امریکا جمهور باشلیغی دونالد ترامپ، اوکراین اوروشیگه چیک قوییش اوچون روسیه جمهور باشلیغی ولادیمیر پوتیندن امیدسیزلیک بیلدیریب و ایتیشیچه، مذکور مملکت گه پاتریوت راکتهلرینی یوبارماقده.
گزارشلر اساسیده، ترامپ ۲۲-سرطان، یکشنبه کونی مریلنددهگی اندروز قرارگاهیده ایتیشیچه، امریکا اوکراین گه پاتریوت راکتهلرینی یوبارهدی؛ «چونکه اولرنینگ حمایتگه نیازی بار.»
بیزلرنینگ فیسبوک صحیفهمیزگه باش اورینگ!
بوندن آلدین امریکا، ناتو ده شریکلریگه قورال ساتیش آرقهلی، اوکراین گه قورال تاپشیریشینی بیان قیلگن ایدی.
ترامپ آقسرای گه کیرمسدن آلدین سیلاو شعارلریده، غالب بولگنیدن سونگ ۲۴ ساعت ایچیده اوکراین اوروشیگه چیک قوییشینی ایتگن؛ بیراق اوکراین ده تینچلیککه ایریشیش اوچون اونینگ سعیوحرکتلری نتیجه بیرمهگن.
پاتریوت هوا مدافعه تیزیملری، دنیادهگی اینگ ایلگور حربی مدافعه واسطهلریدن بیری دیر و اولرنینگ اوکراینگه تاپشیریلیشی، روسیه هوا هجوملرینی قیتریشده بو مملکتگه یاردم بیریشی ممکن.
بیزلرنینگ «ایکس» ترماغی ده هم تعقیب قیلینگ!
روسیه سونگی کونلر اوکراین شهرلری برابریده هجوملرینی کوچهیتیرگنی بیرحالده، امریکا اوکراین هوا مدافعه سیستمینی کوچلنتیرماقچین.
اوکراین جمهور باشلیغی ولودیمیر زلنسکیگه کوره، روسیه سونگی ییتی کونده بیر مینگ ۸۰۰دن آرتیق پهپاد، بیر مینگ ۲۰۰ بمب و ۸۳ راکته نی بو مملکت گه آتگن.
