امریکا قۉشمه ایالتلرینینگ جمهور باشلیغی دونالد ترامپ، نیویورکده بیرلشگن ملتلر تشکیلاتینینگ ۸۰- عمومی مجموعهسی ییغیلیشی دایرهسیده اوکراین رهبری ولودیمیر زلنسکی بیلن خبری ییغیلیشده قتنشدی.
اونینگ ایتیشیچه، روسیه-اوکراین اوروشی حلی تیز آرهده یکونلنیشگه امید یوق. او شوندهی دیېدی: «روسیه اونچهلیک کوچلی اېمس. بو اولر اوچون آسان کیچیشی کېرهک اېدی. اما کورینیب توریبدی که، اوروش اوزاققه چوزیلماقده.»
امریکا جمهور باشلیغینینگ فکریگه کوره، روسیه اقتصادیاتی ایزدن چیقماقده و بو تینچلیک یولیدهگی مهم قدم حسابلنهدی. اونینگ ایتیشیچه: «اېنگ کتته یوتوق بو روسیه اقتصادی دیر. او هلاکتلی حالتده، ویرانه گه ایلنماقده. آچیغینی ایتسم، اوکراین اردوسی کتته قوشیننی توختهتیشده جوده یخشی ایش آلیب بارماقده.»
ترامپ شونینگدیک، چین و هندوستان روسیه نفتینی ساتیب آلیشنی دوام اېتیرهیاتگنی سببلی اولرنی اوروشنینگ «اساسی مالیهچیلری» صفتیده اتهدی.
او مجارستان باش وزیری ویکتور اوربان بیلن هم ملاقات قیلیب، اونی روسیه نفتینی ساتیب آلیشدن واز کیچیشیگه کوندیریش احتمالینی رد اېتمهدی.
