اسلام‌قلعه و کراچی بندرلریده سوداگرلردن قطاری، قوشنی مملکت‌لر تامانیدن تورلی بهانه‌لر و یوقاری خرهجتلر وضع بولینیشیدن شکایت قیلیب، اوشبو قیینچیلیکلر حلی خصوصیده مسئوللر نینگ جدی شکلده توجه قیلیشلری نی ایسته‌گنلر.
ننگرهار سوداگرلیک و سرمایه یاتقیزیش اتاقی نینگ مدیره هیئت اعضاسی و سوداگر زلمی عظیمی نینگ ایتیشیچه، پاکستان بیر آی‌دن بویان افغانستان نینگ سوداگرلیک توارلری یوکلنگن ۳ مینگ‌دن آرتیق کانتینری نی، سبب‌سیز بهانه‌لر بیلن کراچی بندریده توخته‌تگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «ییگولیک ماده‌لر، دارو و بولرنی پاکستان بانک‌لرده ۱۰۰فایز ضمانت گه قویینگ دییدی، ۲۱۲ مال نی افغانستان گه اوتکزیش اوچون رخصت بیرمه‌یدی. بو موضوع نینگ حل بولیشی اوچون کوپ داد‌خواه‌لیک قیلدیک، قیین‌چیلیک حل بولمه‌دی. ۳۳۰۰ توار کانتینری‌میز توخته‌گن دیر. بو افغانستان اهالی‌سی نینگ سرمایه‌سی دیر. بو توارلر نینگ آزاد بولیشی کیره‌ک. قیش موسومی ییتیب کیلگن و افغانستان اهالی‌سی نینگ نیازی بار.»
باشقه بیر تامان‌دن، افغانستان و پاکستان نینگ قوشمه صناعت و سوداگرلیک اتاق باشلیغی نقیب‌الله صافی نینگ ایتیشیچه، توخته‌تیلگن کانتینرلر گه، کونده میلیون‌لب دالر جریمه اضافه بوله‌دی. «هر کون اوچون دیمرج و دیتینشن جریمه‌سی نی بیره‌میز که میلیون‌لب دالر جریمه گه ییتیشه‌دی. تیزلیککه اوشبو کانتینرلر نینگ آزاد بولمه‌گنی صورت‌ده، جریمه‌لر میزانی توارلر ارزشی‌دن یوقاری کیته‌دی.»
شونینگدیک اسلام‌قلعه بندریده سوداگرلیک توارلر نینگ وارد قیله‌دیگن سوداگرلر و هیداوچیلردن قطاری نینگ ایتیشلریچه، کونلردن بویان ایران تامانیدن اضافی خرهجتلر وضع بولگنی و قیینچیلیکلری حل بولمه‌گنی سبب، اعتصاب قیلیب و ایشلمه‌یدیلر.
بو توغریده اسلام‌قلعه بندریده‌گی سوداگرلردن نثار احمد نینگ سلام‌وطندار گه ایتیشیچه: «ایران کوپ پول آله‌دی، کرایه‌میز آز دیر…رقم رقم نرسه‌لردن بیزلردن سالیق آله‌دی، هر بیکت‌ده پول آله‌دیلر. ایکی یا-ده اوچ آی‌دن کیین نوبت بیره‌دیلر. هیچ کیم سیسی‌میز نی ایشیتمه‌یدی.»
شونینگدیک اسلام‌قلعه کمیساری اورین‌باسری همایون همت نینگ ایتیشیچه، مذکور بندرده بیر مینگ‌دن آرتیق موتر، ایشلری نی توخته‌تگن. «ایران ده صرف-خره‌جت کوپ دیر، کریدیت‌لر کوپه‌یگن، هر نرسه اوچون پول آله‌دیلر؛ انه شوو سبب اعتصاب قیلگنلر. هیداوچیلر ایران اهالی‌سی بیلن اوتیب-قیتیش‌ده نوبت‌ده بولیش نی ایسته‌یدی. قریب بیر مینگ موتر توخته‌گن و بیرته‌سی هم کیلمه‌یدی.»
بولر گه علاوه، سوداگرلیک و سرمایه یاتقیزیش اتاق‌لر مسئوللری نینگ ایتیشلریچه، افغانستان‌لیک سوداگرلر کانتینرلری نینگ آزاد قیلیش اوچون، نیچه مرته پاکستان تامانی بیلن اوچره‌شگنلر؛ بیراق پاکستان رسمیلری اوز قراری گه توخته‌گن دیر.
سوداگرلیک و سرمایه یاتقیزیش اتاق‌لری نینگ بیرینچی اورین‌باسری خان‌جان الکوزی نینگ ایتیشیچه، افغانستان و ایران آره‌سیده ترانزیتی و سوداگرلیک قیینچیلیکلری، اسلام امیرلیگی باش وزیرلیگی نینگ اقتصادی اورین باسری عبدالغنی برادر نینگ سفر قیلگنی‌ده حل بولیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قوشنی‌لریمیز بیلن ایکی تور قیین‌چیلیگی‌میز بار؛ مثلا پاکستان اقتصادی مسئله‌لر نی سیاسی قیلیب و سوداگرلیک‌ده توسیق‌لیک یره‌تگن. ایران بیلن هم سوداگرلری‌میز خرهجتلر قیینچیلیکلری بار، انتقال بیریلیش‌لر قیمت بوله‌دی. کرایه کوپ، ایران گه ملا برادر نینگ سفری‌ده، ایران بیلن افغانستان‌لیک سوداگرلر قیینچیلیکلری حلی خصوصیده بحث بولگن. کراچی بندریده هم ۴۰۰۰دن آرتیق کانتینر قالگن و قیین‌چیلیگی حل بولمه‌گن. گرچند صحبت قیلینگن؛ بیراق بو قیین‌چیلیک حل بولمه‌گن.»
عین حالده، سرپرست حکومت رسمیلری دایم، مملکت‌ده سوداگرلر اوچون ایش و فعالیت زمینه‌سی یره‌تیلگنی نی اَیتگنلری بیرحالده، افغانستان‌لیک سوداگرلر مذکور بندرلرده قیین‌چیلیک بارلیگی و قیینچیلیکلری حل بولمه‌گنی‌دن شکایت قیلگنلر.
