ترانسپورت و ملکی هوانوردلیک وزیرلیگی مسئوللری، یک‌شنبه کونی، ۳۰ میزان، سلام‌وطندار بیلن اوتکزگن صحبت‌لری ده ایتیشلریچه، زمینی ترانسپورت شرکت‌لر گه یولاوچی تاشووچی موترلر گه یوک آرتمسلیک بویروغینی بیرگنلر.
ترانسپورت و ملکی هوانوردلیک وزیرلیگی سوزلاوچیسی امام‌الدین احمدی گه کوره، بو قرار ترانسپورتی قاعده‌لرنی رعایت قیلیش و یولاوچیلر نینگ مصئونیتی اوچون آلینگن.
بیزلرنینگ فیسبوک صحیفه‌میزگه باش اورینگ!
ترانسپورت و ملکی هوانوردلیک وزیرلیگی سوزلاوچیسی نینگ کوپه‌یتیریشیچه: «ترانسپورت و ملکی هوانوردلیک وزیرلیگی نینگ تخنیکی ریاستی، یولاوچی تاشووچی موترلر یالغیز یولاوچیلر اوچون دیر ترافیک قانون قاعده‌لری اساسیده یوک آرتمسلیک بویروغینی بیرگن.»
زمینی ترانسپورت شرکت‌لر مسئوللری دن بیرقطاری، بو قاعده نی رعایت ایتیش‌لریدن ایشانچ بیرگنلر.
حصارک زمینی ترانسپورت نماینده‌سی رحیم‌الله گه کوره، بوندن کیین یولاوچی تاشووچی موترلر گه یوک آرتمه‌یدیلر: «موترلریمیز ۵۸۰ رسوملی موتر دیر، یالغیز تول‌بکس‌لریده یولاوچیلر نینگ یوکینی آرته‌میز و جنگله ده هیچ نرسه یوکلمه‌ی میز.»
نوی خنج زمینی ترانسپورت شرکت نماینده‌سی مختار، اوشبو شرکت گه تیگیشلی یولاوچی تاشووچی موترلر گه یوک آرتمسلیک‌لریدن ایشانچ بیره‌دی.
او نینگ کوپه‌یتیریشیچه: «یولاوچی تاشووچی برچه موترلر ۴۰۴ و ۵۸۰ رسوملی موترلر دیر اولر نینگ جنگله‌سی یوق، بو موترلر یالغیز یولاوچیلر اوچون دیر و حاضر خاواک داوانیدن قتنه‌ی میز و یوک آرتیش گه هیچ امکانی یوق.»
بیزلرنینگ «ایکس» ترماغی ده هم تعقیب قیلینگ!
ترافیک پولیسی نوروز، یوک تاشووچی موترلر یوک آرتگن حالده، مملکت سرک‌لریده ترافیکی واقعه‌لر کوپه‌یشی گه سبب بوله‌دی، دیدی. اونگه کوره: «کرولا، سراچه، فلانکوچ رسوملی موترلر یالغیز یولاوچیلر نی انتقال بیریش گه حقی بار و باشقه نرسه‌نی یوک‌لشگه حق‌لری یوق، موتر آغیر بولسه برک‌لری ایشلمه‌یدی و ترافیکی واقعه‌لر کوپه‌یشی گه سبب بوله‌دی.»
ترانسپورت و ملکی هوانوردلیک وزیرلیگی مسئوللری نینگ ایتیشلریچه، کابل شهری ده یولاوچی تاشووچی موترلر نینگ کنترول قیلیش بیلن، مذکور موترلر ده‌گی اضافه چوکی‌لرنی چیقریب تشله‌گنلر.