افغانستان تنیق‌لیگی نینگ کوزه‌توچی نهاد اجرائیه باشلیغی سیداکرام افضلی، خلق‌ارا تنیق‌لیک تشکیلاتی نینگ افغانستانده‌گی تماس نهادی نی آچیلیش مراسمیده صحبت اوتکزیب ایتیشیچه، افغانستانده‌گی خصوصی سکتورلر و معلومات و مخابرات سکتورلری اینگ فاسد سکتورلردن دیر.
جناب افضلی گه کوره، اوشبو سکتورلر فاسد کیشی‌لرنینگ قولیده دیر و مذکور کیشیلر اوشبو سکتورلر ایشی یخشی صورتده آلغه باریش نی ایستمه‌یدیلر.
افغانستان تنیق‌لیگی نینگ کوزه‌توچی نهاد اجرائیه باشلیغی گه کوره، افغانستان حکومتی بیرگن سوزلرینی عمل گه آشیرمه‌گن حالده، افغانستان تنیق‌لیگی نینگ کوزه‌توچی نهادی باشقه نهادلر بیلن بیرلیکده اداری فساد نی تیکشیرش اوچون بیر کمیسیون قوره‌دی.
جناب افضلی نینگ کوپه‌یتیریشیچه، پارلمان و حکومت نی یوقاری لوازملی کیشی‌لری نینگ برچه‌سی فاسد دیر و اوشبو کیشیلر افغانستانده اقتصادی فعالیت گه قول اوره‌دیلر.
جناب افضلی، کریدیت کارت‌لردن توپلنه‌دیگن ۱۰ فایز مالیه حقیده اشاره ایتیب و اوشبو ۱۰ فایز مالیه قییرده کیتیشی نی سوره‌گن.
کاست نهادی نینگ اویغون‌لیک قیلوچیسی صبغت الله کریمی گه کوره، افغانستانده‌گی خصوصی سکتورلر نینگ اداری فساد گه قولی بار. جناب کریمی، خصوصی سکتورلر اوز مسؤلیت‌لری قبالیده مسؤلیت‌سیز بولگنی اوستیگه تأکید قیلگن.
جناب کریمی نینگ کوپه‌یتیریشیچه، افغانستانده فساد قیله‌دیگنلر رقمی جوده کوپ بولگن، لیکن اداری فساد گه قرشی کوره‌شه‌دیگنلر رقمی ایسه آز دیر.
انه‌شوحالده، مخابرات وزیرلیگی نینگ سوزلاوچیسی نصرالله نصرت، اوشبو وزیرلیک برابریده‌گی عیبلاولرنی رد ایتگن.
خلق‌ارا تنیق‌لیک تشکیلاتی بوگون تماس نهادی نی افغانستانده آچگن. اوشبو نهاد کوپینچه بولیم‌لر اینیقسه اداری فساد گه قرشی کوره‌شیش، گمرک‌لرنی تیکشریش، فسادنی تیکشیریش و معلومات‌لرگه قول تاپیش بولیم‌لرده ایش قیله‌دی.
بو حقده خصوصی سکتورلرنینگ فکرینی آلیش اوچون سعی و حرکت قیلدیک، بیراق موفق بولمدیک.