رویترز، امریکا خلقارا ترقیات آژانسی (USAID)، رسمیلریدن بیریدن نقل قیلیب گزارش بیریشیچه، امریکا جمهور باشلیغی دونالد ترامپ دولتی اوشبو آژانسنینگ باش تیکشیرووچیسی پل مارتین نی ایشدن بوشهتگن.
گزارشده کیلیشیچه، جناب مارتین اوتگن کون (۲۳-دلو/ ۱۱-فبروری، سهشنبه)، امریکا خلقارا ترقیات آژانسی فعالیتی توختهتیلیشی اوچون ترامپ دولتینینگ سعیوحرکتلریدن بیر گزارش آرقهلی تنقید قیلگنیدن کیین، ایشدن بوشهتیلگن.
بیزلرنینگ «ایکس» ترماغی ده هم تعقیب قیلینگ!
ایتیلیشچه، پل مارتین امریکا جمهورلیک ریاستی ایشلاوچیلری ادارهسینینگ مدیر اورینباسری ترنت مورس تامانیدن بیر ایمیل آرقهلی ایشدن بوشهتیلگنیدن خبر بولگن.
او ۲۰۲۳-ییل دسمبر آییدن بویان امریکا قوشمه ایالتلری خلقارا ترقیات آژانسی باش کاتبی صفتیده خذمت قیلگن.
امریکا قوشمه ایالتلری خلقارا ترقیات آژانسی، دنیانینگ قشاق مملکتلری جملهدن افغانستان گه امریکانینگ یاردم بیرووچی ییریک نهادلریدن بیری دیر.
بیزلرنینگ فیسبوک صحیفهمیزگه باش اورینگ!
اوشبو آژانس کوپ ییللر جریانیده اورته شکلده ییلده ۴۳۰ میلیون دالرنی قشاق مملکتلر جملهدن افغانستان گه یاردم بیرگن.
اوتگن ۲۴ ییلده، مذکور نهاد ۱۰۹ میلیارددن آرتیق دالرنی افغانستان گه یاردم بیرگن.
