افغانستان اوچون اروپا اتفاقی نینگ خاص نماینده‌سی توماس نیکلاسن، اوتگن کون اروپا پارلمانی‌ده نطق سوزلب و ایتگن که، سونگی بیر ییل‌ده قریب ۱.۳ میلیون مهاجر افغانستان‌دن قوشنی مملکت‌لر گه مهاجر بولگنلر.
جناب نیکلاسن نینگ کوپه‌یتیریشیچه: «۲۰۲۱-ییل نینگ آگست آیی‌دن ۲۰۲۲ -ییل نینگ سپتمبر آیی‌گچه مملکت‌دن قریب ۱.۳ میلیون افغان قوشنی مملکت‌لر گه مهاجر بولگن که بو آره‌ده بیر میلیونی ایران و ۲۵۰ مینگ ته‌سی ایسه پاکستان گه کیتگن.»
بیزلرنینگ توییترده هم تعقیب قیلینگ!
شونده‌ی بیرحالده، مهاجرلر و باش پناه ایزلاوچیلر وزیرلیگی سوزلاوچیسی عبدالمطلب حقانی نینگ ایتیشیچه، اسلامی امارت قوشنی مملکت‌لر بیلن سوزلشوو یولی آرقه‌لی مهاجرلر نینگ قیین‌چیلیک‌لری نی حل قیلیش خصوصیده سعی و حرکت قیلماقده.
جناب حقانی نینگ کوپه‌یتیریشیچه، قانونی سند یوقلیگی و تعلیم و ایش اوچون رخصت بیریلمه‌گنی، قوشنی مملکت‌لر گه مهاجر بولگن افغان‌لر نینگ اصلی قیین‌چیلیک‌لریدن دیر.
بیزلرنینگ فیسبوک صحیفه‌میزگه باش اورینگ!
بوندن آلدین مهاجرلر و باش پناه ایزلاوچیلر وزیرلیگی ایتگن ایدی که، سونگی ایکی هفته‌‌ده ۳۰مینگ‌دن آرتیق کیشی قیته ممکلت گه کیلگن که بو آره‌ده ۱۲ مینگ‌دن آرتیغی قوشنی مملکت‌لردن چقریلگن.
شونده‌ی بیرحالده، نظر سوره‌ش موسسه‌سی «گالوپ» هم بیر نظر سوره‌ش اساسیده سنگارپور نی اینگ تینچ و افغانستان نی دنیا‌ده اینگ ناتینچ مملکت‌لردن دیب تانیتگن.
