امریکا قۉشمه ایالتلری نینگ تشقی ایشلر وزیرلیگی بیر بیانیه ترقه‌تیب، اوشبو مملکت نینگ افغانستان ایشلری بوییچه مخصوص وکیلی توماس وست لوازمیدن چېتلنتیریلگنینی معلوم قیلگن.
امریکا تشقی ایشلر وزیرلیگی نینگ بیانیه‌سیده، توماس وست امریکا تشقی ایشلر وزیرلیگی تحریم‌لرنی هماهنگ قیلیش اداره‌سی نینگ مسئولی اوله‌راق تانیشتیریلگن و افغانستانده اونینگ ایشلری بو مملکت اوچون امریکا ایلچیخانه‌سی شارژدافیری کرن دکر و امریکا نینگ افغانستان خاتین-قیزلر ایشلری بوییچه مخصوص وکیلی رینا امیری و تشقی ایشلر وزیرلیگیده بیر دیپلمات تامانیدن آلغه آلیب باریلیشی قید اېتیلگن.
افغانستانده سیاسی اۉزگریش‌لر یوز بیریب و حاضر سیاسی و اقتصادی نامعلوم احوال بیلن دوچ اېکن، توماس وست امریکا نینگ افغانستان ایشلری بوییچه مخصوص وکیلی صفتیده تعیینلنگن اېدی.
بیزلرنینگ فیسبوک صحیفه‌میزگه باش اورینگ!
امریکا تشقی ایشلر وزیرلیگی، بو مملکت نینگ افغانستان گه دایر تشقی سیاستی اۉزگرمسلیگیدن ایشانچ بیلدیرگن.
امریکا قۉشمه ایالتلری تشقی ایشلر وزیرلیگی سۉزلاوچیسی متیومیلر، مطبوعاتی ییغیلیشده ایتیشیچه: «امریکا نینگ افغانستان گه دایر سعی-حرکت‌لری دوام تاپه‌دی و بوندن کېین افغانستان ایشلری ماموریتینی افغانستان اوچون امریکا ایلچیخانه‌سی شارژدافیری کرن دکر، امریکا نینگ افغانستان خاتین قیزلری ایشلری بوییچه مخصوص وکیلی ریناامیری و مذکور مملکت تشقی ایشلر وزیرلیگیده پومرشیم تامانیدن آلغه آلیب باریله‌دی.»
امریکا نینگ افغانستان ایشلری بوییچه مخصوص وکیلی نینگ ماموریتی ایریم تنقیدلر گه دوچ اېکن، اۉز ماموریتی گه اۉزگریش کېلتیرگن.
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لر نینگ ایشانچی گه کوره، بو اۉزگریش امریکا نینگ افغانستان خصوصیده جزیی اۉزگریش دیر و دنیا نینگ باشقه حدودلریده‌گی کېسکین‌لیک‌لر طفیلی افغانستان مسئله‌سی امریکا اوچون بیرینچی ایش بولمسلیگی ممکن.
خلق‌ارا مناسبت‌لر ایش بیلرمان‌لریدن ولی فروزان نینگ ایتیشیچه: «افغانستان‌لیک‌لردن بیرقطاری حاضر هم امریکا نینگ افغانستان اوچون ریجه‌لری بارلیگی، بو ییرده اۉزگریش کېلتیریشنی اویله‌یدیلر، عین‌حالده امریکا نینگ افغانستان خصوصیده سابق ریجه‌سی هم یوق اېدی و افغانستاندن چیقیشیدن سۉنگ بو مملکت نی ایسدن چیقرگن.»
شونینگدیک، خلق‌ارا مناسبت‌لر ایش بیلرمان‌لریدن باشقه بیری محمدحلیم صیام گه کوره: «توماس وست، مرکب سیاسی بیر احوالده امریکا نینگ افغانستان اوچون مخصوص وکیلی اوله‌راق تنلندی و اسلام امیرلیگی حاکمیتیدن سۉنگ بو ماموریت معاصر دیپلماتیک باسقیچ گه اېلندی.»
سۉنگی اوچ ییلده امریکا قۉشمه ایالتلری افغانستانده حربی و سیاسی حضوری گه چېک قویگن بولسه ده، بیراق اوشبو مدت ایچیده انسان پرورلیک یاردملر اوله‌راق افغانستان گه یاردملری گه دوام بیریب کېلگن.