تاجیکستان، قیرغیزستان و پاکستان سوو و برق وزیرلری شنبه کونی، ۱۸-قوس، کاپ ۲۸ ییغیلیشی دایره‌سیده، افغانستان دن کاسا یک‌هزار برق انتقال بیریش پروژه ایشیده فعال حصه قوشیشنی سوره‌گنلر.
اولر بیر بیانیه ترقه‌تیب ایتیشلریچه: «بیز افغانستان توپراغیده کاسا یک‌هزار پروژه ایشی قولی‌لشتیریلیشی و قیته باشلنیشنی ایسته‌یمیز، چونکه بو پروژه ده افغانستان نینگ حصه قوشیشی مهم دیر.»
کاسا یک‌هزار برق انتقال بیریش پروژه نینگ طرحی اساسیده، تاجیکستان و قیرغیزستان نینگ بیر مینگ ۳۰۰ میگاوات برقی، افغانستان و کیین ایسه پاکستان گه انتقال بیریله‌دی و اوشبو پروژه ۵۶۲ کیلومتر افغانستان ایچیدن اوته‌دی.
بیزلرنینگ فیسبوک صحیفه‌میزگه باش اورینگ!
عین‌حالده، سوو و برق وزیریگی مسئوللری نینگ ایتیشلریچه، افغانستان ده کاسا یک‌هزار پروژه نینگ ۵۰ فایز ایشلری آلغه بارگن و اوشبو پروژه ایشی قیته باشلنیشی اوچون سعی‌وحرکت قیلماقده‌لر.
سوو و برق وزیرلیگی سوزلاوچیسی مطیع‌الله عابد نینگ ایتیشیچه، مذکور پروژه ایشی عملگه آشیریلیشی اوچون بیر طرح کابینه گه جونه‌تیلگن.
او نینگ کوپه‌یتیریشیچه: «افغانستان ده بو پروژه ایشی ۵۰ فایز آلغه بارگن، کاسا یک‌هزار پروژه ایشی قیته باشلنیشی حقیده دنیا بانکی بیلن ییغیلیش اوتکزیلگن، سوو و برق وزیرلیگی اوشبو پروژه ایشی خصوصی بیر سکتور تامانیدن قیته باشلنیشی اوچون کابینه گه بیر طرح پیشنهاد قیلگن و بو پروژه ایشی عملی بولیشی بیلن افغانستان ۴۵ میلیون دالر سود قیله‌دی.»
شونینگدیک، افغانستان برق ییتکیزیش (برشنا) کمپنیه باشلیغی امان‌الله غالب نینگ ایتیشیچه، سرپرست حکومت تن آلینمسلیگی اوچون بو پروژه نینگ عملی ایشی حاضرگچه باشلنمه‌گن.
بیزلرنینگ «ایکس» ترماغی ده هم تعقیب قیلینگ!
اونگه کوره: «کاسا یک‌هزار پروژه اساسی و مهم پروژه‌لردن سنله‌دی، اقتصادی و سیاسی لحاظ دن مهم دیر، اقتصادی نقطه‌ی نظر دن؛ افغانستان ترانزیت یولی اوله‌راق قوللنیب و پاکستان ۱۰۰۰ میگاوات برق افغانستان یولی آرقه‌لی قولگه کیریته‌دی و برشنا شرکتی ۳۰۰ میگاوات برق آلاله‌دی و اوچینچیدن افغانستان آله‌دیگن حجره‌سیدن سود قیله‌دی، اونگه قوشیمچه، برق لینی اوته‌دیگن منطقه‌لر گه هر ییلی اوچ میلیون دالر یاردم کورسه تیله‌دی.»
ایتیش کیره‌ک، کاسا یک‌هزار برق انتقال بیریش پروژه طرحی ۲۰۰۵-ییل ده منطقه‌وی اقتصادی همکارلیک‌لر (ریکا) کنفرانسی ده بیان بولیب و ۲۰۲۰-ییل گه قدر فایده‌لنیشگه تاپشیریلیشی کوتیلر ایدی، بیراق بو پروژه ایشی حاضرگچه یکونلنمه‌گن.
