قویاش اوشبو ییل یکونلنیش عرفه‌سیده، ساغلیق‌نی سقلش وزیرلیگی سیناولر ملی اداره‌سی اویغون‌لیگیده، کابل ده بیر قطار عیاللر نینگ حضوری بیلن طب طلبه‌لری تخصص سیناوینی یولگه قویدی.
اوشبو وزیرلیک مسئوللری، بوگون (دوشنبه، ۲-دلو) کابل ده مطبوعاتی ییغیلیش ده ایتیشلریچه، اوشبو سیناو ده بیر مینگ ۲۰۰ قیز شامل آلتی مینگ ۲۲۰ طلبه قتنشگن.
سرپرست حکومت ساغلیق‌نی سقلش وزیرلیگی نینگ تخصص اکمال باشلیغی محمدعمر حیدر گه کوره، اوشبو طلبه‌لر دن ۴۶۵ طلبه تخصص دوره‌لرینی اوتکزیش اوچون مملکت نینگ قطار کسلخانه‌لری ده جذب بوله‌دیلر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «اشتراک ایتگنلر دن ۴۶۵ نفری توان‌لری و لیاقت‌لری اساسیده جذب بوله‌دیلر، مملکت نینگ ۲۶ کسلخانه‌لریده تخصصی برنامه‌لریمیز بار. سیناو شفاف شکلده اوتکزیلدی، قرینداش‌لیک و تانیش اساسیده هیچ کیم جذب بولمه‌یدی.»
عین‌حالده، سیناولر ملی اداره باشلیغی عبدالباقی حقانی نینگ ایتیشیچه، مملکت ده نیچه سنه اوروش و توقنشوولر دن کیین، حاضر افغانستان تورلی ساحه‌لرده اوزینی اوزی تامینلش اوچون فرصت یره‌تیلگن. «خورسندلیک اورنی دیر افغانستان ده فرصت یره‌تیلگن و ییگیت‌لر اوچون مثبت آدیم دیر، برچه اولکه‌لر بیلیم‌لری اساسیده رواجلنگن، حاضر اسلام امیرلیگی مملکت نی هر ساحه ده رواجلنتیریش اوچون سعی‌وحرکت قیلماقده.»
عین‌حالده، تخصص سیناوی گه قتنشگن طلبه‌لر، مملکت ده طبابت بولیمیده بو کبی سیناو اوتکزیلیشینی مهم دیه بهاله‌دیلر.
بیزلرنینگ «ایکس» ترماغی ده هم تعقیب قیلینگ!
تخصص سیناوی گه اشتراک قیلگنلردن مصطفا شریفی گه کوره: «اوزلرینگیز گه بیللی، بیر یا که بیر یریم ییل دن سونگ سیناو اوتکزیلدی، سیناو گه قتنشگنیمیز اوچون جوده هم خورسند میز و شفاف شکلده یولگه قوییلگن، ساغلیق‌نی سقلش وزیرلیگی کسلخانه‌لر ظرفیتینی آشیریشی کیره‌ک.»
تخصص سیناوی گه اشتراک قیلگنلردن باشقه بیری محمدنور نینگ ایتیشیچه: «بو سیناو اوتکزیلیشی اونیملی دیر، افغانستان کسلخانه‌لریده تخصص دوره‌سینی اوتکزیش اوچون بو یولدن باشقه چاره یوق، شفاکارلر تخصص دوره‌سینی اوتکزمه‌گن حالده کسللرنی دوالش قیین بوله‌دی.»
مملکت ده تخصص سیناوی ۴۰ ییل دن بیری یولگه قوییله‌دی و اسلام امیرلیگی حاکمیتیدن کیین مملکت ده ایکینچی مرته تخصص سیناوی اوتکزیلگن.