اسلام امیرلیگی سۉزلاوچیسی ذبیح‌الله مجاهد، بوگون (۲۴-اسد، چهارشنبه) افغانستانده اسلام امیرلیگی نینگ غلبه قازانیش اوچینچی ییل‌لیگی مناسبتی بیلن ترقه‌تگن بیانیه‌سیده، اسلام امیرلیگی هر قنده‌ی حالتده اسلامی تېزیمدن دفاع قیلیشینی بیلدیرگن.
بیزلرنینگ فیسبوک صحیفه‌میزگه باش اورینگ!
«افغانستان اسلامی جمهوریتی» تېزیمی، ۱۴۰۰-ییل، ۲۴ اسد ده قولب و اسلام امیرلیگی اوشبو کونده ایکّینچی مراتبه حاکمیت نی آلیش گه اولگوردی.
ذبیح‌الله مجاهد اوشبو بیانیه ده ایتیشیچه، بوکون «افغانستان نینگ تاریخیده مهم و قوانچلی کون دیر و فتح کونی اوله‌راق ثبت بولگن و بو کونده افغانستان ۲۰ ییل‌لیک باسیم و اشغال دن قوتقریلدی.»
بیانیه ده کېلیشیچه: «افغان‌لر نینگ کوپ زحمت چېکیشی بیلن قولگه کېلگن اسلامی تېزیم که الله نینگ دیمی و شریعت تطبیق بولگن، صلح و امنیت تأمینلنگن، اهالی تینچ بولیب و مملکت نینگ ترقیاتی اوچون زمینه یره‌تیلگن، هر قنده‌ی حالتده اوندن دفاع قیلیش گه تیار میز.»
بیزلرنینگ «ایکس» ترماغی ده هم تعقیب قیلینگ!
اسلام امیرلیگی ۲۴-اسد دن نشانلش اوچون، بوگون بگرام هوا قونالغه‌سیده حربی رژه یولگه قویگن.
