اوتگن “شنبه” کونی شام چاغیده ننگرهار مرکزی جلال‌آباد شهری نینگ ۵- ناحیه‌سیده ناتانیش قوراللی کیشی‌لرنینگ هجومی سبب، سیدمعروف سادات نام‌لی بیر ژورنالیست شامل ۳ کیشی هلاک ایتیلگن
افغانستان ژورنالیست‌لرنی سقله‌ش کمیته‌سی نینگ بیر گزارش آرقه‌لی ایتیشیچه، سیدمعروف سادات اقارب‌لریدن بیرنینگ موتریده ایکن و اویی تامان باره‌دیگن پیتده ناتانیش قوراللی کیشی‌لر تامانیدن هجوم آستیگه قرار بیریلگن. اوشبو کمیته گه کوره، جناب سادات نینگ اقارب‌لری طالبان اعضالریدن ایکنلر.
بیزلرنینگ فیسبوک صحیفه‌میزگه باش اورینگ!
ژورنالیست‌لرنی سقله‌ش کمیته‌سی نینگ ایتیشیچه، بو واقعه‌ده طالبان اعضالریدن ایکی ته‌سی هلاک ایتیلگن و شونینگدیک، جناب سادات نینگ اوغلی شامل ایکی کیشی یره‌لنگن. اوشبو کمیته، طالبان گروهی دن بو واقعه‌نی جدی شکلده تیکشیریشی‌نی سوره‌گن.
حاضرگه‌قدر هیچبیر گروه یا-ده کیشی بو هجوم مسوولیتی‌نی بوینیگه آلمه‌گن.