روسیه رسمیلری، اوشبو مملکت پایتختی مسکو جنوبی حدودلریده بیر موترده اویوشتیریلگن پارتلش عاقبتیده، ایکی پولیس و باشقه بیر کیشی هلاک بولگنیدن خبر بیردیلر.
روسیه تحقیقاتی کمیتهسی، بوگون (۳-جدی/۲۴-دسمبر، چهارشنبه)، پولیس عسکرلری گمان قیلینگن بیر کیشی آلدیگه یقینلشگچ، موتر ایچیده پارتلاوچی ماده پارتلهتیلگنینی بیلدیردی.
روسیه امنیتی ادارهلریگه یقین بعضی منبعلر، اوچینچی کیشی احتمال پارتلاوچی مادهلرنی اورنتهیاتگن پیتده هلاک بولگنینی ایتگن؛ بیراق بو معلومات رسمی طرزده تصدیقلنمهگن.
واقعه، اوشبو هفته اوللریده اویوشتیریلگن پارتلشده – روسیهنینگ ییریک بیر جنرالی اولدیریلدی، یقینیده یوز بیرگنی ایتیلگن.
