آمریکا قوشمه ایالاتی نینگ افغانستان ایشلری بوییچه خاص وکیلی توماس وِست، افغانستان سابق ملی مصالحه عالی کینگشی نینگ رئیسی عبدالله عبدالله بیلن سوزلشگن.
جناب وِست اوز توییتر صحیفه‌سیده یازیشیچه، اوشبو اوچره‌شووده، افغانستانده یوزبیرگن سونگی هجوم نی قاره‌لب و قیغوداشلک بیلدیرگن.
آمریکا خاص وکیلی نینگ کوپه‌یتیریشیچه، مذکور سوزله‌شووده افغانلر نینگ قیزلر مکتب‌لری تیزلیکده آچیلیشی توغریسیده‌گی ایستکلری خصوصیده بحث قیلینگن.
بیزلرنینگ فیسبوک صحیفه‌میزگه باش اورینگ!
جناب وِست‌گه کوره: «افغانستان یشاوچیلری نینگ قیزلر مکتب‌لری تیزلیکده آچیلیشی توغریسیده‌گی ایستکلری بحث‌گه آلینگن. هردایم که دیک یخشی مصلحت قیلدیک.»
شونینگدیک توماس وِست اوتگن هفته افغانستان سابق جمهور رئیسی حامد کرزی بیلن صحبت قیلیب، قیزلر نینگ تعلیم آلیش برابریده یره‌تیلگن چیکلاولردن خواطر بیلدیرگن ایدی.
شونینگدیک او ایتگن ایدی، یره‌تیلگن چیکلاولر دوامی ایتیشی اسلامی امارت نینگ افغانستان یشاوچیلریگه قیلگن تعهدلریگه قرشی دیر و بو خاتین-قیزلر حقوقی نی ایاق آستی قیلیب مملکت کیله‌جگی نی کوچ‌سیز قیله‌دی.
شونینگدیک آمریکا خاص وکیلی اسلامی امارت‌دن، مذهبی پیشوالر و افغانستان قوم بویوکلری نینگ ایستک‌لریگه دقت قیلیب، قیزلر نینگ تعلیم آلیش برابریده یره‌تیلگن چیکلاولر کوتاریلیشی نی طلب قیلگن ایدی.
قیزلر نینگ مکتب‌لری اوتگن ییل ۲۴- اسد اسلامی امارت قدرت گه ایریشگنیدن کیین باغلندی.
بیزلرنینگ توییترده هم تعقیب قیلینگ!
عین‌حالده، قیزلر نینگ مکتب‌لری آیلر یاپیق قالگنیدن کیین ۳- حمل ده آچیلیش گه قرار قیلینگن ایدی، بیراق معارف وزیرلیگی اوشه کون قیزلر نینگ مکتب‌لری کیینگی امرگچه یاپیق قالیشینی اعلان قیلدی.
شونده‌ی بیرحالده، قیزلر نینگ مکتب‌لری باغلنگنی کوپینچه ایچکی و تشقی عکس‌العمل‌لرگه سبب بولدی و خلق‌ارا تشکیلاتلر نیچه مراتبه اسلامی امارت‌دن قیزلر مکتب‌لری آچیلیشینی سوره‌دی. بیراق اسلامی امارت ایسه قیزلر نینگ مکتب‌لری آچیلیشی توغریسیده حاضرگچه اقدام قیلمه‌گن و بو توغریده شرعی لایحه ایجاد ایتیلیشی اوستیگه تأکید قیلگن.
