سرپل ولایتی سپورت و بدن تربیهلش مسئوللری، اوشبو ولایت میزبانلیگی بیلن مملکت شمال زونیدهگی فوتبال جماعهلری اورتهسیده بیللشوولر باشلنگنینی معلوم قیلهدیلر.
سرپل سپورت و بدن تربیهلش آمری عبدالحق فیضی گه کوره، بو بیللشوولر فاریاب، سرپل، جوزجان، بلخ، سمنگان دن بیش جماعه آرهسیده باشلنگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه، اوشبو بیللشوولرده فاریابدن استقلال، سرپلدن امامزاده یحیی، جوزجاندن مدرن کلپ، بلخدن کود برق و سمنگاندن اېسه اتحاد فیروز نخچیر فوتبال جماعهلری اشتراک اېتگنلر.
اونینگ کوپهیتیریشیچه: «بو رقابتلرده مملکت شمالی ولایتلریدن بیش جماعه اشتراک اېتگن، سرپلدن امامزاده یحیی، بلخدن کود برق، جوزجاندن مدرن کلپ، سمنگاندن اتحاد فیروز نخچیر و فاریابدن استقلال جماعهلری دیر.»
فیضی جنابلری، ولایت بویلب یاشلرنینگ سپورت گه قیزیقیشی و اولر اورتهسیده هماهنگلیک ایجاد بولیشی مقصدیده بو کبی مسابقهلر اۉتکزیلیشی گه تأکید اېتگن.
بیزلرنینگ «ایکس» ترماغی ده هم تعقیب قیلینگ!
بو مسابقهلرنینگ بیرینچی کونیده، سرپل امامزاده یحیی فوتبال تیرمه جماعهسی ۱-۰ حسابی بیلن سمنگان اتحاد فیروز نخچیر، بلخ کود برق جماعهسی ۲-۱ حسابی بیلن جوزجان مدرن کلپ جماعهسیگه غلبه قازانگنلر.
اوشبو مسابقهلر، قویاش ۱۴۰۴-ییل، ۳-دن ۷-جوزا گه قدر دوام تاپیشی ریجهلشتیریلگن.
سرپل میزبانلیگی بیلن اۉتکزیلگن بو بیللشوولر غالبی، افغانستان فوتبال قهرمانلر لیگی گه یول تاپیشی ممکن.
