اسلام امیرلیگی مالیه وزیرلیگینینگ اعلام قیلیشیچه، افغانستان ده دنیا بانکی ادارهسی آچیلیب و بو بانک فعالیتلری قیته باشلنگن.
اوشبو وزیرلیک، بوگون (۱-قوس، شنبه)، اکس صحیفهسیده بیر بیانیه آرقهلی یازیشیچه، دنیا بانکی اسلام امیرلیگینینگ قدرت گه ایریشمهگنیدن آلدین حجتلری یکونلهنیب و کوریب چیقیلگن لایحهلر و قرادادی کمپنیهلر پولینی قیته توللشگه تیار دیر.
بیانیهده کیلیشیچه: «حاضر تیکشیریشلر اساسیده دنیا بانکی، قراردادی کمپنیهلردن قریب ۴۵ میلیون دالر قرضدار بولیب، مالیه وزیرلیگی هماهنگلیگی بیلن تورت باسقیچده تیگیشلی قراردادی کمپنیهلرگه توللشی ممکن.»
مالیه وزیرلیگینینگ کوپهیتیریشیچه، بیرینچی باسقیچده دنیا بانکی آرقهلی ۹ میلیون ۳۰۰ مینگ دالر مستقیم شکلده تشقی قراردادی کمپنیهلر و ایکینچی باسقیچده اوشبو وزیرلیک آرقهلی ۱۶ میلیون ۸۰۰ مینگ دالر کمپنیهلرگه توللنهدی.
بو وزیرلیک، دنیا بانکی تامانیدن قراردادی کمپنیهلر قرضلری توللنیشینی ایجابی آدیم دیب و ایتیشیچه، اسلام امیرلیگی فایدهلی حکومتدارلیک و یشاوچیلر حقوقی تامینلنیشیگه متعهد دیر.
