افغانستان نینگ واشنگتن‌ده‌گی ایلچی‌خانه‌سی نینگ اعلان قیلیشیچه، افغانستان‌گه تیگیشلی ۳۳ باستانی اثر اوشبو ایلچی‌خانه‌گه تاپشیریلگن.
افغانستان نینگ واشنگتن‌ده‌گی ایلچی‌خانه‌سی نینگ اعلامیه‌سیده ایتیلیشیچه، اوشبو رقم باستانی اثرلر اوتگن “سه‌شنبه” کونی «منطقه نیویارک» قاره‌لاوچیلیک دفتریده بیر مراسم آرقه‌لی افغانستان نینگ آمریکا ده‌گی ایلچی‌سی رویا رحمانی گه تاپشیریلگن.
اعلامیه گه کوره، مذکور باستانی اثرلر ۲- قرن دن باشلب ۸- قرن‌گه تیگیشلی دیر و افغانستان نینگ تاریخ و فرهنگی نینگ بای‌لیگی‌نی کورستهدی. افغانستان نینگ آمریکا ده‌گی ایلچی‌خانه‌سی نینگ ایتیشیچه، اوشبو باستانی اثرلر نینگ تیزلیککه افغانستان‌گه انتقال بیریلیب ملی موزیم گه تاپشیریلیشی ممکن.
افغانستان ایلچی‌خانه‌سی «منطقه نیویارک» قاره‌لاوچیلیگی دن افغانستان‌گه تیگیشلی بولگن تاریخی اثرلرنی کشف و ضبط قیلگنیدن منت‌دارلیک بیلدیرگن