خلقارا ییتکرمهلرنینگ معلوماتیگه کوره، امریکا و ایران، هفتهلر توقنشوودن کیین پاکستاننینگ واسطهچیلیگی بیلن ایکی هفتهلیک آتیش کیسین گه کیلیشگنلر.
تامانلر اوشبو آتیش کیسینده، توقنشوولرنی توختهتیب و هرمز بوغوزیدن نفت تشووچی کیمهلر اوتیشی و اوزاق مدتلی کیلیشوو اوچون مذاکرهلر گه زمینه یرهتیلیشیگه کیلیشگنلر.
ایران ملی خوفسیزلیک عالی کینگشی، بیر بیانیه ترقهتیب بو مملکتنینگ امریکا بیلن ایکی هفتهلیک آتیش کیسین کیلیشوویدن خبر بیرگن.
بیانیه گه کوره، ایکی تامان اورتهسیدهگی مذاکرهلر کمیده ۱۵ کون دوامیده، پاکستان پایتختی اسلامآباد ده اوتکزیلیشی ممکن.
امریکا جمهور باشلیغی دونالد ترامپ هم، هرمز بوغوزی آچیلیش شرطی بیلن آتیش کیسیننی قبول قیلگنینی ایتگن.
امریکا و ایران اورتهسیده آتیش کیسین اعلام بولگنیدن کیین، ایران تشقی ایشلر وزیری سیدعباس عراقچی ایکس صحیفهسیده بیر بیانیه ترقهتیب، ایران حربی کوچلرینینگ اویغونلیگی و تخنیکی چیکلاولر رعایت ایتیلیشی بیلن هرمز بوغوزیدن نفت تشووچی کیمهلر گه اوتیش ایزینی بیریلگنینی یازگن.
