بیرلشگن ملتلر تشکیلاتینینگ ترقیاتی دستوری (UNDP)، افغانستان بویلب ۳۳ مینگدن آرتیق کیشیگه ایش امکانیتلرینینگ یرهتگنینی بیان قیلگن.
اوشبو دستور، بوگون (۲۹-ثور، دوشنبه)، اکس صحیفهسیده یازیشیچه، مذکور ایش فرصتلری «ایش اورنیده پول» لایحهلری آرقهلی افغانستان اهالیسیگه تامینلنگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ ترقیاتی دستوریگه کوره، بو لایحه ۲۰۲۳-ییل اپریل آییدن ۲۰۲۴-ییل دسمبر آییگچه، افغانستان ده عملگه آشیریلگن.
مذکور برنامه اساسیده، ۷۶۶ مینگدن آرتیق ایش کونی یرهتیلگن که اونینگ نتیجهسیده، محلی درآمدلر آشگن، آستقورمهلر یخشیلنگن و قیینچیلیکلر برابریده جمعیت چیدملیگی مستحکملنگن.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی ترقیاتی دستورینینگ ایتیشیچه، بو اقداملر افغانستان ده اقتصادی وضعیت یخشیلنیشی اوچون جمعیت گه قرهتیلگن سعیوحرکتلرنینگ بیر قسمی حسابلنهدی.
سونگی ییللرده، ایشسیزلیک افغانستان جمعیتی رواجلنیشی برابریدهگی جدی قیینچیلیکلردن بیری بولیب، یشاوچیلرنینگ ساغلیق و آزیق-آوقت خوفسیزلیگیگه قول تاپیشی برابریدهگی توسیقلیک دیر.
