بیرلشگن ملتلر تشکیلاتی بشر حقوقی کینگشی، بوگون (جمعه، ۱۰ سرطان)، افغانستان نینگ خاتین قیزلری وضعیتی گه دایر اضطراری ییغین اوتکزگن. اوشبو ییغین بشر حقوقی شوراسی نینگ عادی ۵۰_ییغینی جریانیده یولگه قوییلگن.
مذکور اضطراری ییغینده بیرلشگن ملتلر تشکیلاتی بشر حقوقی عالی کمیشنری میشل باشله نینگ ایتیشیچه، افغانستان خاتین قیزلری، سونگی سنه‌لرده بشر حقوقی ساحه‌سیده مثل‌سیز چیکینیش‌لرنی تجربه قیلماقده‌لر. اونینگ کوپه‌یتیریشیچه، «اولر نینگ کیله‌جگی حتا قرانغو بولیشی ممکن، اگر تیزلیک بیلن وضعیت اوزگرمه‌گن حالده.»
بیزلرنینگ فیسبوک صحیفه‌میزگه باش اورینگ!
اوشبو ییغینده، بیرلشگن ملتلر تشکیلاتی نینگ افغانستان بشر حقوقی ایشلری بوییچه مخصوص گزارش‌گری ریچارد بنت هم نطق سوزله‌گن. اونگه کوره، «دنیا بویلب اسلامی امارت نینگ عیاللر گه قرشی چیکلاولری مثل‌سیز دیر.»
بوندن آلدین ژنو شهری ده بشر حقوقی کینگشی سوزلاوچیسی، خبرچی‌لر بیلن اوتکزگن صحبتیده ایتیشیچه، فرانسه و اروپا اتفاقی مذکور ییغین اوتکزیلیشینی سوره‌گن و باشقه اولکه‌لر ایسه اوندن حمایت ایتگنلر.
بیزلرنینگ توییترده هم تعقیب قیلینگ!
فرانسه و اروپا اتفاقی، بیرلشگن ملتلر تشکیلاتی بشر حقوقی کینگشی باشلیغی گه یوللـه‌گن مکتوبی ده، میلادی ۲۰۲۲_ییل آگست آیی دن بویان، افغانستان ده خاتین قیزلر و بشر حقوقی وضعیتی آغیر و اوشبو کینگش تیزلیک بیلن بوتوغریده دقت قیلیشینی بیلدیرگن ایدیلر.
