اسلام امیرلیگی و پاکستان هیئتلری اورتهسیده اوچینچی باسقیچ مذاکرهلر، ۱۵-عقرب، پنجشنبه کونی تورکیهنینگ استانبول شهریده اۉتکزیلهدی.
پاکستان «دان» کوندهلیگی، ایکیله تاماننینگ مذاکره قیلووچی هیئتلری اوتگن کون ایکی کونلیک مذاکره اوچون استانبول گه یېتیب بارگنلرینی ایتگن.
معلوماتلر گه کوره، اوشبو مذاکرهلرده پاکستان هیئتینی اوشبو مملکت استخبارات تشکیلاتی باشلیغی عاصم مالک یېتکچیلیک قیلهدی و اونینگ ترکیبیده اردو ییریک رسمیلری، استخبارات نهادلری وکیللری و بو مملکتنینگ تشقی ایشلر وزیرلیگی اشتراک اېتگنلر.
شو بیلن بیرگه، اسلام امیرلیگی هیئتینی استخبارات عمومی باشلیغی عبدالحق وثیق ییتکچیلیک قیلهدی و اونینگ ترکیبیده اېسه ایچکی و تشقی ایشلر وزیرلیکلرینینگ ییریک رسمیلری اشتراک اېتگنلر.
اسلام امیرلیگی و پاکستان اورتهسیدهگی ایکینچی باسقیچ مذاکرهلر، ۲۵-دن ۳۰ اکتوبر گه قدر قطر و تورکیه واسطهچیلیگی بیلن استانبولده اۉتکزیلگن اېدی.
