سرپل امنیتی مسوول‌لری نینگ ایتیش‌لریچه، طالبان جنگریلری محلی اردو بیر عضوی نینگ تورموش اورتاغی(خاتینی) نی باله‌لری نینگ حضوریده اوققه توتگن.
سرپل پولیس قومندانلیگی سوزلاوچیسی نور آغا فیضی نینگ سلام‌وطندارگه ایتیشیچه، طالبان جنگریلری اوتکن کیچه ساعت ۸ ده محلی اردو بیر عضوی نینگ مسکونی اوی اوستیگه هجوم قیلیب اونینگ لیلی نام‌لی ۳۶ یاشر تورموش اورتاغی(خاتینی) نی باله‌لری نینگ حضوریده اوققه توتیب اولدیرگن.
جناب فیضی گه کوره، اوشبو واقعه سرپل ولایتی نینگ سوزمه قلعه تومنی‌نی «نادر آباد» منطقه‌سیده یوز بیرگن.
سرپل پولیس قومندانلیگی سوزلاوچیسی نینگ کوپه‌یتیریشیچه، طالبان جنگریلری اوشبو تومن ده امنیتی کوچلر بیلن یوزمه‌یوز اوروشه آلمهیدی و انه‌شو سبب، بونده‌ی جنایت‌لرگه قول اوره‌دی.
بیراق، طالبان سوزلاوچی‌لریدن بولمیش ذبیح‌الله مجاهد، بو واقعه نینگ اوشبو گروه جنگریلری تامانیدن صورت تاپگنی‌نی رد قیلگن.
