ایچکی ایشلر وزیرلیگی نینگ ایتیشیچه، ۱۳۹۹- ییلده طالبان هجومی سبب، مملکت بوییچه کمیده ۲ مینگ تینچ اهالی هلاک و باشقه ۴ مینگ و ۱۷۴ تینچ اهالی یره‌لنگن.
ایچکی ایشلر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، اوشبو رقم تینچ اهالی طالبان تامانیدن اویوشتیریلگن ۹۲ خودکش هجوم، ۲ مینگ و ۱۷۴ پارتلش و ۵۰۰ دن آرتیق هدفلی ترورلر نتیجه‌سیده، هلاک و یره‌لنگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، افغانستان یشاوچیلری و تاریخ، طالبان نینگ اوروش جنایت‌لرینی هیچ‌بیر زمان فراموش قیلمه‌یدی.
عین‌حالده، انسان حقوقی ایرکین کمیسیونی مسوول‌لری نینگ ایتیش‌لریچه، ۱۳۹۹- ییل تینچ اهالی اوچون فاجعه‌لی ییل ایدی.
طالبان گروهی حاضرگه‌قدر بوتوغریده فکر بیلدیرمه‌گن.
