هرات شهرینینگ بیر چیکهسیده جایلشگن کیچیک بیر ایشخانه، اونلب خاتین-قیزگه امید و درآمد منبعسیگه اوزگرگن. مذکور ایشخانه بیر ییل آلدین تدبیکار بیر عیال آرقهلی آچیلیب و حاضر ایسه بو ییرده ۳۰ کیشی تورلیخیل چراغلرنی توزهتیش بیلن شغللنگن.
اوشبو ایشخانهده، LED، آزمصرفلی و تزیینی چراغلر ایشلب چیقریلهدی. بو محصوللر توزهتیلیشدن کیین بازارگه چیقریلیب و محلی بازار نیازلریدن بیر قسمینی تامینلهیدی.
مذکور ایشخانه ایشلاوچیلریدن بیری الهامه محمدینینگ ایتیشیچه، بیر ییرده ایشلشیدن بیر ییل بولگن. اونگه کوره، کونده بو ایشخانهده ۱۰۰-۲۰۰ ته چراغ توزهتیلهدی. «بو ییرده ایشلشیمدن بیر ییل بولهدی. کونده ۱۰۰ دن ۲۰۰ گچه چراغ توزتهمیز. LED چراغلریدن توتیب هر قندهی چراغ بولسه توزتهمیز.»
محمدینینگ ایشانچیگه کوره، بو ایشخانهده ایشلش سبب، عیاللر اقتصادی نیازلرینی تامینلش یانیده، تولیدی بیر فعالیتده حصه قوشه آلگنلر.
باشقه بیر تاماندن، اوشبو تولیدی ایشخانهدهگی ایشلاوچیلردن باشقه بیری سهیلا صدیقینینگ ایتشیچه: «آلتی آیدن بیری بو ییرده ایشلهیمن. سیم تاولهیمن و سیم تاولش ایشلری بولمهگنیده ایسه باشقه ایشلرگه یاردم بیرهمن.»
صدیقینینگ کوپهیتیریشیچه، قیزلردن قطاری دستبلبکی تعلیملرنی آلیشدن کیین مستقیل شکلده، ایشلب چیقریشنینگ تورلی بولیملریده فعالیت قیلهدیلر.
بو ایشخانهدهگی ایشلاوچیلردن ینه بیرتهسی آلینا توخینینگ ایتیشیچه، بو کبی ایشخانهلرده عیاللر حضوری، عیاللرنینگ ایرککلر کبی تورلی ساحهلرده ایش قیله آلیشلرینی کورستهدی. اونینگ کوپهیتیریشیچه: «مین بو ایشنینگ یالغیز ایرککلرگه عاید دیب توشینهر ایدیم؛ لیکن اوشبو ایشگه باشلهگنیمده هیج بیر ایشنینگ ایرکک و عیال گه تیگیشلی بولمهگنینی بیلدیم. هر بیر ایشنی ایرککلر قیله آلسه، عیاللر هم قیله آلهدی.»
شوندهی بیرحالده، «رویال» چراغ ایشلب چیقریش ایشخانه مسئولی فرزانه محمدی، اوشبو ایشخانهنینگ آچیلگنیدن مقصد عیاللر اقتصادی رواجلنیش عنوان قیلگن. چراغ توزهتیشنی ایران دن اورگنگن محمدینینگ ایتیشیچه، چیکلاولر و جهازلر کملیگی، بو ایشگه قیزلردن قطارینینگ قوشیلیشیگه توسیق بولهدی.
اونینگ کوپهیتیریشیچه: «ایشیمیز ساحهسیده کوچهیتیریلگنیده، خاتین-قیزلردن کوپ قطارینی حمایت آستیگه آلالهمیز. جهازلریمیز کملیگی اوچون کوپینچه قیزنی ایش گه آلالمهیمیز. ایشنی باشلهگنیمیز بیرینچی آیده، ۱۰۰ دن آرتیق کیشی ثبت نام قیلیشگه تیار ایدی؛ لیکن بودجهمیز یوقلیگی اوچون ۳۰ کیشی نی ایش گه آلدیک.»
هرات ده اقتصادی مسئلهلر بیلرمانلریدن قطارینینگ ایتیشیچه، عیاللردن قطاری کسب-کار مهارتیگه ایگه دیر؛ لیکن اولرنینگ فعالیتلری رسمی شکلده رسمیت گه تانیلمهیدی. هرات ده اقتصادی مسئلهلر بیلرمانلریدن نذیراحمد سدیدنینگ ایتیشیچه، عیاللرگه کسب-کار نسبی اقتصادی امنیتنی یرهته آلهدی.
اونینگ ایشانچیگه کوره، عیاللرگه بو کبی ایشلر، عیاللرنی مصروفقیلووچیدن تولیدقیلووچیگه اوزگرتیریب و جمعیتده اقتصادی رواجلنیشگه سبب بوله آلهدی. «عیاللردن کوپینچهسیده کسب-کاری بار؛ لیکن هیچ کیم اولر بیلن قرارداد امضالشگه تیار ایمس. هیج کیم اولرنی رسمیتگه تانیشگه حاضر ایمس. عیاللر قیلهدیگن ایشلردن برچهسب رسمی بولمهگن بیر بازارده عملگه آشیریلهدی. عیاللر مهارتی یوقاری دیر، بیراق اولرنینگ ایشی رسمیت گه تانیلمهگنی اوچون تیزلیککه بازاردن حدف بولهدی.»
مذکور چراغ ایشلب چیقریلهدیگن ایشخانه، اوز ایاغلرسده توختش اوچون عیاللرنینگ سعیوحرکتی نمونهلریدن بیری دیر؛ اولرنینگ قولده تیارلنگن نوری بیلن آلیب باریلهیاتگن سعیوحرکت، نهفقط اویلر، بلکیم حیاتلری یولینی هم یختیراق قیلگن.
