کابلنینگ شهرنو ساحهسیدهگی قصابی کوچهسیده، چرمگرلیک کیچیک بیر ایشخانه بار که بو کوچهگه باشقه بیر کورینیش بغیشلهگن. ایشخانه گه کیریش بیلن چرم اوستیگه کیتمه-کیت اوریلهیاتگن بالقهنینگ آوازی ایشیتیلهدی که بو ایسه بیر صناعت یا-ده تزیینی اثرنینگ یرهتیلهیاتگنیدن خبر بیرهدی.
بالقهنی بیر یاققه قوییب، قولی آستیدهگی چرمنی ماشین چرخی آستیگه قویهدی و تیکیشگه باشلهیدی. غلامربانی، ۲۰ ییلدن بویان بو ایشخانهده، چرمدن تورلیخیل تزیینی و ایشگه یرهگن اوسکونهلرنی توزتماقده. اونینگ ایتیشیچه، هر کونی بیر یا-ده ایکیته نرسهنی چرمدن توزهتیب توپراق اوریب کیتگن ویترین یانیگه قویهدی که بیری کیلیب و هنریدن خوشی کیلسه و او هم بو یول آرقهلی درآمد قول گه کیلتیریب و بو درآمد بیلن اوییگه نیچهته نان آلیب بارسه. «قریب ۲۲ ییلدن بیری بو ییردهمین؛ وطنی چرمدن فایدهلنهمیز. قول صناعتی دیر. ایچکی و سیگیر تیری، قاره و ملّه رنگ چرمدن فایدهلنهمیز. ساتیش آز دیر، کونده بیر و ایکی ته تولید قیلهمن.»
بیزلرنینگ «ایکس» ترماغی ده هم تعقیب قیلینگ!
هر کونی ایرتهلب، شهرنونینگ قصابی کوچهسیگه قویاش ییتیشمسدن آلدین، ساعتلرچه پیاده یول یوریب و اوزینی بو ییرگه ییتیشتیرهدی، ایشخانهسینینگ ایشیگینی آچهدی و بیر نیچه دقیقه پاککارلیکدن کیین ایش میزی آرقهسیده اولتیریب و ینگی بیر نرسهنی توزهتیش اوچون ینگینی شیملّهیدی. غلامربانینینگ ایشی آز بولگنی و بو یول آرقهلی اونچه درآمدی بولمهگنی بیلن، بیراق او هر کونی ایشخانهسیدن اوییگچه بولگن یولنی ساعتلب پیاده باریب-کیلیشگه مجبور دیر. «خیرخانهنینگ لبجر ساحهسیدن کیلهمن. بیر ساعت سپورت سالونیده تمرین قیلهمن. بو ییرگه کیلهمن و شامگچه بو ییرده ایشلهیمن و کیین شام پیتی پیاده اویگه کیتهمن. توش هم نان و چای ایچهمن.»
غلامربانینینگ کیچیک ایشخانهسیده، کیچیک بکسکچهلر، لپتاب بیکلری، کمربند، موبایل پوشی و دیوار گه آسیلگن قولده توزهتیلگن نرسهلر، انسان کوزینی اوزی تامان تارتهدی؛ بیراق اونگه کوره، اوشبو کونلر هنری اونچهلیک خریدار گه ایگه ایمس که بو نرسه اونینگ ایشیدن زیریکیشیگه سبب بولهدی. «حاضر هیچ بیر درآمدیم یوق، ایش هم یوق. بیر آیده بیری یخشی ایشله آلمهگنمین. مجبورلیک دیر و کیلهمن. دکاننی ترک قیلسم، قیرگه بارهی، اوچ هفته بولهدی که ایشلمهگنمین.»
مشتری یوقلیگی سبب، غلامربانی ایکی ییلدن بیری دکانینینگ اوچ مینگ افغانی بولگن آیلیک کرایهسینی بیره آلمهگن که بو قرض، آی اوتیشی بیلن کوپهیب و قرضینینگ اوزیلیشی هم غلامربانینینگ جدی خواطرلریدن بیریگه اوزگرگن. «ایش یوق، پول بوتونلی یوقالگن و حاضر ایش هم آز دیر. ایکی ییلد بیری دکان کرایهسیدن هم قرضدارمین.»
غلامربانینینگ خواطری یالغیز دکان کرایهسینی توللشده امکانیتسیزلیک ایمس؛ او نیچه پیتدن بیری حتا اوی کرایهسینی تولهشده هم قیینچیلیککه روپهره بولیب، آلتی کیشیلیک عایلهسیگه باشپنه یرته آلیشی اوچون دوست و یقینداشلریدن قرض آلهدی. «آیده اوی اوچون ۹ مینگ افغانی کرایه بیریشیم کیرهک. قیین دیر، بیراق مجبورلیک دیر، قندهی قیلهی قرضدارمینو ایشلسهم قرضلریمنی بیرهمن و ایش بولمسه بیران کیشیدن قرض آلیب بیرهمن.»
بیزلرنینگ فیسبوک صحیفهمیزگه باش اورینگ!
غلامربانی، قولصناعتینی افغانستاننینگ فرهنگی کیملیگی بیر قسمی دیب و ایتیشیچه، ایش شرایطلرینی یرهتیش و صادراتی بازارلرنی تشکیل ایتیش بیلن، اوشبو اصیل صناعتنینگ بای ایتیش ممکن. «بیزلرگه ایش شرایطینی یرهتسینلر، بو مملکتیمیزنینگ کیملیگینی کورستهدی. ایشیمیزنینگ کوپ یخشی بولیشی کیرهک که تشقی مملکتلرگه هم صادراتیمیز بولسه. بو ایشلرنی توزهتسینلر که ایش قیلهیلیک. حاضر هیچ ایش یوق.»
ایشی آرقهلی قولگه کیلتیرهدیگن درآمد بیلن عایله خرهجتینی تامین قیله آلمهگنی بیرحالده، بیراق یورهگیده بیر نرسه بار که اونینگ بو ایشگه قیزیقیشیگه سبب بولیب و او ایشیدن اَیریله آلمهی و پول قولگه کیلتیریش اوچون باشقه بیر یولگه توشینه آلمهیدی. او چرمگرچیلیک هنرینینگ بیر کونی خلق آرهسیده اوز اورنینی تاپیشیگه امید قیلیب، ایش میزی آرقهسیده قالهدی.
