ایچکی ایشلر وزیرلیگی، کابل‌ده سعودی عربستان ایلچیسی فیصل طلق البقمی، اوشبو وزیرلیک سرپرستی سراج‌الدین حقانی بیلن اوچره‌شووده، افغانستان و سعودی عربستان اورته‌سیده‌گی همکارلیک، «اسلامی و فرهنگی قۉشمه قدریت‌لر» اساسیده دوام تاپیشی گه تأکید اېتگن.
ایچکی ایشلر وزیرلیگی بیر بیانیه ترقه‌تیب، ایکّی تامان ۲۵-جدی، سه‌شنبه کونی کابل‌ده اوچره‌شگنینی معلوم قیلگن. ایچکی ایشلر وزیرلیگی‌نینگ بیانیه‌سی اساسیده، کابل‌ده سعودی عربستان ایلچیسی ایکّی تامانلمه مناسبت‌لر کېنگه‌یتیریلیشینی سوره‌گن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی‌نینگ کوپه‌یتیریشیچه، سراج‌الدین حقانی کابل‌ده سعودی عربستان ایلچیسی گه اوستون‌لیک سوره‌شگه قۉشیمچه، افغانستان و سعودی عربستان‌نینگ «اسلامی و تاریخی چقور مناسبتی اهمیتی گه علیحده تأکید اېتگن.
کابل‌ده سعودی عربستان ایلچیخانه‌سی، افغانستان‌ده اسلام امیرلیگی ایکّینچی مرته حاکمیت گه ایریشگنیدن سۉنگ، فعالیتینی توخته‌تگن اېدی؛ بیراق ۱۴۰۳ ییل‌نینگ دستلبکی کونلریده «افغانستان مسلمان برادرلری» گه برچه تامانلمه خذمت کورسه‌تیش اوچون فعالیتینی قیته باشله‌گنیدن خبر بیردی.
بیزلرنینگ «ایکس» ترماغی ده هم تعقیب قیلینگ!
کابل‌ده، سعودی عربستان ایلچیخانه‌سی آچیلگنیدن بیری، مذکور مملکت ایلچیسی سرپرست حکومت رسمی‌لری بیلن اوچره‌شووده ایکّی تامانلمه مناسبت‌لر کېنگه‌یتیریلیش مسئله‌سینی بحث گه آلگن.
