جوزجان نینگ ۲۰۰ بستر ولایتی کسلخانهسیدهگی کسل‌لردن قطاری، اوشبو کسل‌خانه نینگ شبرغان شهری مرکزی دن اوزاق‌لیگی و یول‌لر بوزوق‌لیگیدن شکایت قیلیب ایتیشلریچه، مذکور کسل‌خانه ده ییترلی ایچیملیک سوو یوق دیر. اولر گه کوره، اوشبو کسل‌خانه شهر مرکزی دن ییتتی کیلومتر اوزاق دیر، هر بیر کسل نینگ انتقال بیریش اوچون ۵۰۰ و ۶۰۰ افغانی مصرف بوله‌دی.
جوزجان ولایتی کسلخانهسیدهگی کسل‌دارلردن عبدالرووف نینگ ایتیشیچه: «یول‌لر جودههم خراب و بو کسل‌خانه گه کیله‌دیگن کسل‌هم یول گه کوپ قیین‌چیلیک بیلن روپه‌ره بوله‌دی. حامله عیاللر یول گه چقه‌لاغی نی دنیا گه کیلتیرگنینی هم ایشیتدیک. یول جودههم خراب و کسللر بو توغریده کوپینچه قیین‌چیلیک بیلن روپه‌ره دیر.»
بیزلرنینگ فیسبوک صحیفه‌میزگه باش اورینگ!
اوشبو کسل‌خانه‌ده‌گی کسل‌دارلردن باشقه بیری نادرشاه، شو کبی قیین‌چیلیک نی بیان قیلیش بیلن حکومت‌دن کسللر و کسل‌دارلر نینگ قیین‌چیلیک بیلن روپه‌ره بولمه‌یشلری اوچون جوزجان ولایتی کسل‌خانه‌سی گه تیگیشلی یول‌لر نی قیته توزه‌تیلیشی نی ایسته‌گن.
جوزجان ولایتی کسلخانهسیدهگی کسل‌دارلردن باشقه بیری بهروز نینگ ایتیشیچه، کسل‌خانه گه کیلیش خصوصیده یول‌لر نینگ خراب‌لیگی یانیده، شونینگدیک کسل‌خانه اطرافیده کسللر و کسل‌دارلر گه نیاز بولگن آسایشته‌لیک‌لر هم یوق. اونینگ کوپه‌یتیریشیچه: «ایچیملیک سوو و ییمک یوق؛ اوشبو کسل‌خانه یانیده اصلا درست بیر ییمک تاپیلمه‌یدی. کسل گه نیاز بولگن نرسه‌لر اصلا تاپیلمه‌یدی. بو ییرده یالغیز بیر دارو‌خانه بار.»
شونده‌ی بیرحالده، جوزجان ولایتی کسلخانهسیدهگی داکترلردن قطاری نینگ ایتیشلریچه، شبرغان شهری مرکزی‌دن کسل‌خانه نینگ جابه‌جا بولگنی‌دن کیین، کسللر و کسل‌دارلر جدی قیین‌چیلیک‌لر بیلن روپه‌ره بولگنلر.
جوزجان ولایتی کسل‌خانه‌سی نینگ عاجل بولیمی داکتری شبیراحمد نینگ سلام‌وطندار گه ایتیشیچه: «کسللر، کسل‌دارلر و پایوازلر، کرایه توللش گه کوچلری ییتیشمه‌یدی؛ انه شوو سبب، دارو آلیش خصوصیده کوپینچه قیین‌چیلیک بیلن روپه‌ره‌لر.» اونینگ کوپه‌یتیریشیچه، شهر مرکزی‌دن کسل‌خانه نینگ اوزاق‌لیگی و یول‌لر نینگ خراب‌لیگی، ایچکی و جراحی بولیمی کسل‌لری نینگ اوشبو یول‌دن اوتیب-قیته آلمه‌یشلری گه سبب بولگن.
شونینگدیک شبیراحمد، ایچیملیک سوو و دارو‌خانه کم‌لیگی نینگ طبی خذمت‌لر ارایه‌سی خصوصیده‌گی باشقه جدی قیین‌چیلیک‌لردن عنوان قیله‌دی.
شونده‌ی بیرحالده، جوزجان ساغلیق نی سقلش سرپرستی ذبیح‌الله حسینی نینگ ایتیشیچه، ولایتی کسل‌خانه نینگ یولی اوزاق‌لیگی و خراب‌لیگی خصوصیده‌گی قیین‌چیلیک‌لر حلی اوچون سعی و حرکت‌لر نینگ دوامی بار. اونینگ کوپه‌یتیریشیچه، اوشبو کسل‌خانه قیین‌چیلیگی نینگ ۸۵ فایزی حاضرگچه حل بولگن.
بیزلرنینگ توییترده هم تعقیب قیلینگ!
جوزجان ساغلیق نی سقلش سرپرستی نینگ کوپه‌یتیریشیچه، جوزجان ولایتی کسلخانهسیدهگی موجود قیین‌چیلیک‌لر بیلن، ینه هم یشاوچیلر گه ساغلیق خذمت‌لر نی ارایه قیله‌دیلر.
عین حالده، مرکز‌دن ولایتی کسل‌خانه نی شبرغان شهری نینگ اوزاق منطقه‌سیگه انتقال بیریلیشی بیلن، مذکور ولایت یشاوچیلری درمان اوچون کوینچه پیت خصوصی کسل‌خانه‌لر گه مراجعت قیله‌دیلر.