قوم‌لر فهرستی نینگ ملی احصائیه و معلومات اداره‌سی تامانیدن نشر ایتیلگنیدن سونگ، پروان ولایتی کینگش رهبرلیگی و مدنی فعاللری بیر ییغین آرقه‌لی، ملی احصائیه اداره‌سی نینگ بو حرکتی‌گه قرشی واکنش کورستگن‌لر.
بوگون “دوشنبه” پروان ولایتی کینگش باشلیغی امین‌الله شکوری نینگ بیر ییغین آرقه‌لی ایتیشیچه، اوشبو ریجه‌نی مطرح قیلگن‌لر کسل دیر و درمان‌لنیش‌لری کیره‌ک. جناب شکوری‌گه کوره، افغانستان دشمن‌لری قوم و ملت نی پارچه پارچه قیلیش اوچون سعی و حرکت قیله‌دیلر.
عین‌حالده، پروان مدنی فعال‌لریدن بولمیش محمدشفیع مشفق نینگ آگاه‌لنتیریشیچه، ملی احصائیه و معلومات اداره‌سی اوشبو ریجه‌نی قیته‌دن تیکشیرمه‌گن صورتده، اهالی نینگ جدی برخوردی بیلن دوچ کیله‌دی.
شونینگدیک، مدنی فعاللردن باشقه بیری اورنگ آذرخش نینگ ایتیشیچه، دنیا شهروند محورلیک و ملت توزه‌تیش تامان بارماقده و ملی احصائیه و معلومات اداره‌سی نینگ بو ریجه‌سینی عملگه آشیریش اوچون هرتامانلمه سوره‌ش‌گه نیاز دیر.
اعتراضچی‌لر بیر شرطنامه ترقه‌تیش بیلن افغانستان قوم‌لری آره‌سیده نفاق ایجاد قیلیش جریانلر توخته تیلیشینی سوره‌گنلر.