تاپی؛ افغانستان نینگ منطقه مملکت‌لر بیلن مهم لایحه‌لریدن سنه‌لیب ۱۴۰۳-ییل، ۲۱-سنبله، چهارشنبه کونی افغانستان توپراغیده ایشی رسمی طرزده باشلندی.
ایش یوق‌لیگی و اقتصادی قیینچیلیک بیلن دوچ بولگن اولکه یشاوچیلری اینیقسه یاشلر، تاپی لایحه‌سی ایشی آلتی ییلدن سۉنگ افغانستان توپراغیده باشلنیشینی خوش قرشی‌لب، اقتصاد تیکلنیشی و ایش فرصت‌لری یره‌تیلیشی گه امید بیلدیره‌دیلر.
کابل شهری یشاوچیسی شفیع‌الله، مملکتده ایش‌سیزلر سانی کوپ‌لیگی و اقتصادی قیینچیلیکدن نالیب ایتیشیچه، ایش فرصت‌لری یره‌تیلیشی اوچون بو کبی لایحه‌لر عملگه آشیریلیشی اوستیگه تأکید اېته‌دی.
اونگه کوره: «اهالی گه ایش فرصتی یره‌تیلیب و اولر ایش بیلن تأمینلنیشینی خوش قرشی له‌یمیز، یشاوچیلر ایش‌سیزلیک باعث ایران و پاکستان گه مهاجر بولیش گه مجبور بولماقده‌لر.»
بیزلرنینگ فیسبوک صحیفه‌میزگه باش اورینگ!
ایش بیلرمانلر هم، مذکور لایحه ایشی عملگه آشیریلیشینی خوش قرشی‌لب، بو کبی لایحه‌لر عملگه آشیریلگن حالده، مملکت اقتصادی یخشی بولیشی گه امید بیلدیره‌دیلر.
اقتصادی ایش بیلرمان ظاهر بهزاد گه کوره: «تاپی لایحه‌سی عملگه آشیریلگن حالده افغانستان گه هر ییلی ۴۵۰ دن ۵۰۰ میلیون دالر ترانزیت حقی بیریله‌دی و افغانستان ده گاز نرخی پس توشه‌دی و بونگه قۉشیمچه غرب زونی برق بیلن تأمینلنه‌دی.»
شونینگدیک، اقتصادی ایش بیلرمان‌لردن باشقه بیری لعل زازی نینگ ایشانچی گه کوره: «بو لایحه منطقه ده سهمی کتّه بولگن افغانستان اقتصادی مناسبتی یخشی بولیشی اوچون مهم دیر و مملکتده بو لایحه عملگه آشیریلگن حالده کوپ سانده کیشی‌لر ایش بیلن تأمینلنه‌دی.»
بیزلرنینگ «ایکس» ترماغی ده هم تعقیب قیلینگ!
تاپی تورکمنستان، افغانستان، پاکستان و هندوستان اۉرته‌سیده مهم لایحه‌لردن بولیب و تورکمنستان گازی هرات، هلمند و قندهار آرقه‌لی جنوبی آسیا گه انتقال بیریله‌دی، ایشی ۲۰۱۵-ییلده باشلنیب و ۲۰۱۸-ییلده افغانستان توپراغیده عملگه آشیریلیشی کوتیلردی، لېکن ایریم قیینچیلیک باعث ایشی باشلنمه‌دی.
افغانستان سابق جمهور باشلیغی نینگ اورین باسری امرالله صالح کبی کیشی‌لر، حاضرگه قدر بو لایحه ایشی افغانستانده عملگه آشیریلیشی گه ایشانمه‌یدیلر.
امرالله صالح ایکس صحیفه‌سیده بیر بیانیه ترقه‌تیب، تاپی مملکت اۉرته‌سیده بیر ریکلام گه ایلنگن و عملگه آشیریلیشی ممکن‌سیزلیگینی اېتگن.
بیراق اسلام امیرلیگی، بو لایحه ایشی جدی شکلده عملگه آشیریلیشیدن ایشانچ بیره‌دی.
اسلام امیرلیگی اقتصاد وزیرلیگی سۉزلاوچیسی عبدالرحمان حبیب نینگ ایتیشیچه: «بو کبی بویوک لایحه‌لر عملگه آشیریلگن حالده مینگلب کیشی ایش بیلن تأمینلنه‌دی، ملی درآمد یخشی بوله‌دی و افغانستان منطقه مملکت‌لری اۉرته‌سیده اقتصادی دهلیز گه ایلنه‌دی.»
اۉتگن کون، افغانستان توپراغیده تاپی لایحه ایشی باشلندی، اوشبو مراسم آچیلیشیده پاکستان و هندوستان ییریک رسمی‌لری مذکور لایحه نینگ طرف‌لریدن سنله‌دی اشتراک اېتمه‌گن اېدیلر.
