آمریکا مدافعه وزیرلیگی نینگ اعلام قیلیشیچه، افغانستان ده مذکور مملکت حربی‌لری نینگ سانی ۲۵۰۰ کیشی گه کمه‌یگن.
اوتگن کون (جمعه ۲۶- جدی) آمریکا مدافعه وزیرلیگی بیر توییت آرقه‌لی مذکور وزیرلیک سرپرستی کریستوفر میلر دن نقل قیلیب ایتیشیچه، مذکور حربیلر آمریکا نینگ ترورچیلیک که قرشی کوره‌ش مأموریتی و بو مملکت نینگ ناتو بیرلشیک‌لری بیلن آلگن قراری اساسیده تینچلیک تأمین‌لنیشی اوچون کوره‌شه‌دیگن افغانستان امنیتی کوچلردن حمایت قیلیش گه فایده‌لی دیر.
آمریکا جمهوررئیسی دونالد ترامپ آق سرای ویب‌سایتی ده بیر بیانات بیریب ایتیشیچه، بو مملکت حربی‌لری نینگ رقمی افغانستان ده سونگی ۱۹ ییل ده اینگ قویی رقم گه ییتیشگن. اونینگ حکومتی نی یکونله‌نیشی گه یالغیز ۵ کون قالگن، بیراق او شونده‌ی بیر حالده هم آمریکا نینگ اوروشی یکونله‌نیشی اوستیگه اورغوله‌گن.
آمریکا مدافعه وزیرلیگی کمیده ایکی آی آلدین افغانستان ده بو مملکت حربی‌لری میلادی ۲۰۲۱- ییل ۱۵- جنوری گه قدر ۴۵۰۰ مینگ دن ۲۵۰۰ کیشی کمه‌یشی نی اعلام قیلگن ایدی.
شونینگدیک اوچ کون آلدین رویترز خبرگزارلیگی آمریکا مدافعه وزیرلیگیدن نقل قیلیب گزارش بیریشیچه، بو مملکت باشقه اوچ کونگه قدر افغانستانده‌گی حربی‌لرینی ۲۵۰۰ کیشی گه کمه‌یتیره‌دی.
آمریکا حربی‌لری نینگ افغانستان دن چیقیشی اوتگن ییل دوحه ده آمریکا و طالبان گروهی آره‌سیده امضالنگن کیلیشوونامه گه مطرح بولگن ایدی.
نیچه پیت آلدین طالبان آمریکا گه مذکور مملکت حربی‌لری افغانستان نی ترک قیلمه‌گن صورتده، اولرنینگ هجومی گه دوچ کیلیشی دن آگاه‌لنتیرگن ایدی.