شو ییلنینگ سۉنگی ۸ آییده، افغانستاندن ۲۲۶ طلبه اۉزبېکستان گه تعلیم آلیش اوچون بارگن.
اۉزبېکستان ملی رقم کمیتهسینینگ خبر بیریشیچه، بو دورده اوشبو مملکتده تعلیم آلیش مقصدیده ۱۴ مینگ ۲۱۶ نفر چیت ایلدن طلبهلر بارگن. بو کورستکیچ اوتگن ییلنینگ ماس دوریگه نسبتن اوچ مینگ ۱۷۹ نفر گه کوپ بولیب، آشیش صورتی ۲۸.۸ فایز گه یېتگن.
خارجدن بارگن طلبهلر سانی بیلن اۉزبېکستان تعلیم ساحهسیده کینگ ترقلهیاتگن خلقارا اعتبارنی یققال کورستهدی. اېنگ کوپ تورکمنستاندن کیلگن، اولرنینگ سانی تورت مینگ ۶۰۳ نفرنی تشکیل اېتهدی. اېنگ کم طلبه اېسه جنوبی افریقا جمهوریتیدن بارگن و اولرنینگ سانی ۹۸ نفر.
تورکمنستاندن تورت مینگ ۶۰۳ نفر، هندوستاندن اوچ مینگ ۴۷۷ نفر، تاجیکستاندن بیر مینگ ۳۹۲ نفر، چیندن ۷۱۰ نفر، پاکستاندن ۷۰۰ نفر، جنوبی کوریادن ۵۵۳ نفر، قیرغزستاندن ۳۳۳ نفر، امریکادن ۳۱۹ نفر، فیلیپیندن ۲۴۵ نفر، تورکیهدن ۲۳۳ نفر، افغانستاندن ۲۲۶ نفر، مصردن ۱۲۱ نفر، بریتانیادن ۱۱۰ نفر، جنوبی افریقا جمهوریتیدن ۹۸ نفر، باشقه دولتلردن هم ۸۹۳ نفر، اۉزبېکستان گه تعلیم آلیش اوچون بارگن دولتلر قطاریگه کیرهدی.
شونینگدیک، میلادی ۲۰۲۴/۲۰۲۵- اوقوو ییل باشیگه کوره، اۉزبېکستاندهگی عالی تعلیم موسسهلریده تحصیل آلهیاتگن خارجلیک طلبهلرنینگ عمومی سانی ۱۲.۵ مینگ نفرنی تشکیل اېتهیاتگنی حقیده خبر بیریلگن اېدی. بو اورینده تأکیدلش لازم کی، اۉزبېکستانده خارجدن بارگن طلبهلرنینگ سانی هر ییلی آشیب بارماقده، بو اېسه مملکتنینگ خلقارا تعلیم میدانیدهگی نفوذینینگ آرتیشیگه آلیب کېلماقده.
