زلزله نتیجهسیده ییتیشگن ویرانلیکلر آرهسیده، یاشگه توله کوزلری بیلن قیزیدن قالگن اینگ کیچیک بیر نشانهنی اختریب یوریگن. او، یوز بیرگن زلزله جریانیده ۱۰ یاشر قیزینینگ قوتقره آلمهگنینی بیان قیلهدی.
مذکور قرانغو کیچهدن قریب بیر آی اوتگنی بیلن حاضرگچه اونینگ قیغوسینی اوزی بیلن تاشیب یوریگن زهرانینگ ایتیشیچه، اوشبو واقعهدن کیین کیچه و کوندوزی اونگه قرانغو و بیر یوک کبی بولیب قالگن.
زهرا، مملکت شمالیده یوز بیرگن زلزلهنی، حیاتیدهگی اینگ یامان بیر لحظه عنوان قیلیب و کوپهیتیریشیچه: «کیچه ایدی و اوخلهگن ایدیک، کیچیک بالهم قوچاغیمده ایدی؛ آتهسی زلزله بولدی دیب سیسلندی. اویغهنیب، بالهمنی تشقریگه چیقردیم و قیزیمنی آلیش اوچون قیتیب اویگه بارماقچین بولدیم که ایشیک یانیگه بارگنیمده اوی قولهب توشدی و اوندن کیین نیمه بولگنینی بیلمهیمن. کیچه و کوندوزنی بیلمهیمن؛ اونینگ سیماسی دایم کوزیمنینگ اونیده.»
بیزلرنینگ «ایکس» ترماغی ده هم تعقیب قیلینگ!
تورت فرزند آنهسی بولمیش زهرا، بیرینچی فرزندی زینبنینگ اخلاقینی یخشیلیک بیلن ایسلهب و ایتیشیچه، اونینگ اولیمی تیزلیکده دوالنه آلمهگن بیر یره کبی بولگن. «آرام بیر قیز ایدی؛ بیبیسی بیران نرسه بیرسه، یاشیریب قوییب و کیین اییهر ایدی. نیچه کون آلدین آتهسی آلمه کیلتیرگن ایدی و هر بیریگه ایکی-ایکی ته بیردی و قیزیم بیرتهسینی اییمهی قویگن ایدی. اولگنیدن کیین آلمه توپراق آستیدن چیقدی. شهید بولگنی کیچه، هیچ نرسه ایمهگن ایدی. آنه مینی حقیمنی اوکمگه بیر دیگن ایدی.»
زلزله ده قربان بولگن ۱۰ یاشر زینبنینگ ابهسی سیدعلی اکبر گه کوره، اوشبو عایلهنینگ باشقه تورت اعضاسی اویلری قولهگنی نتیجهسیده، جدی شکلده جبرلنگن. اونینگ ایتیشیچه: «بیردن زلزله بولدی، ۳۰ ثانیه ایچیده اوییمیز آرقهسیدهگی اوشبو تاغ اویلر اوستیگه کیلدی؛ تورت کیشی توپراق آستیده قالدی. اولرنی چیقره آلدیک؛ بیراق ۱۰ یاشر قیزی توپراق آستیده قالیب، شهید بولدی؛ یاردم بیرووچیلر تورت ساعتدن کیین اونی توپراق آستیدن چیقردیلر.»
بیزلرنینگ فیسبوک صحیفهمیزگه باش اورینگ!
۱۰ یاشر زینب، کمبغل بیر عایله اعضاسی بولیب، بلخ ولایتی شولگره تومنینینگ سعیدهای گله قیشلاغی یشاوچیسی ایکن. سیدعلی اکبرنینگ کوپهیتیریشیچه، قیش موسومی ییتیب کیلگنی بیلن باشپنهسیزلیک اولرگه حیات کیچیریشنی قیینلشتیریب و اویلرینی قیته قوریش امکانیتیگه ایگه ایمسلر.
اکبر، حکومت و یاردم بیرووچی نهادلردن، اویلرینینگ قیته قوریلیشی توغریسیده اولربیلن همکارلیک بولیشینی سورهگن. «بیرته یاغاچنی آلیشگه هم امکانیتیمیز یوق؛ یرهلریمیزنی دوالش اوچون بیر پاکت دارونی آلیشگه هم امکانیتیمیز یوق. دیوارلرنی قندهی توزتهیلیک. کمبغل بیر عایلهمیز.»
جاری قویاش ییل ۱۲-عقرب، افغانستان شمالی اینیقسه بلخ و سمنگان ولایتلریده زلزله یوز بیریب و اونینگ نیتجهسیده، ۲۶ کیشی شهید، بیش مینگدن آرتیق کیشی یرهلهنیب و مینگلرچه یشش اوی ویران بولگن.
