ایش و اجتماعی ایشلر وزیرلیگی مسئوللری، افغانستان ایشلاوچلر ملی اویوشمه‌سی (امکا) بوگون (۳-حمل، یکشنبه) کابل‌ده فعالیتینی قیته باشله‌گنیدن خبر بیرگنلر.
ایش و اجتماعی ایشلر وزیرلیگی‌نینگ ایش بوییچه اورین باسری محمدزاهد، اوشبو مناسبت بیلن اوتکزیلگن ییغیلیش‌ده، بو وزیرلیک مملکت ایش قاعده‌سی اساسیده ایشلاوچیلرنی قۉللب-قوتلب و اولرنینگ قیینچیلیگی حلی اوچون سعی-حرکت قیلماقده‌لیگینی اېتگن.
اونینگ ایتیشیچه: «جامعه ترقیاتی اوچون ایشلاوچیلرنینگ رولی مهم دیر و اولر گه حرمت قیلیش درکار و قاعده اساسیده اولرنی قۉللب-قوتلب و اولرنینگ قیینچیلیگینی حل قیله‌میز.»
بیزلرنینگ فیسبوک صحیفه‌میزگه باش اورینگ!
مذکور اویوشمه قیته فعالیت گه باشلشی بیلن بیرگه، عبدالمتین مولوی‌زاده ایش و اجتماعی ایشلر وزیرلیگی تامانیدن رسمی طرزده بو نهاد سرپرستی اوله‌راق یېتیب تعیینلنگن.
افغانستان ایشلاوچیلر ملی اویوشمه سرپرستی گه کوره، ایشلاوچیلرنی خواستینی قانون-قاعده اساسیده اسلام امیرلیگی بیلن شریک قیله‌دی.
اونینگ کوپه‌یتیریشیچه: «ایشلاوچیلرنی ایش بیلن تأمینلش گه تلاش قیلیب و اولرنی حقوقی‌دن دفاع قیله‌میز و اولرنینگ قیینچیلیک‌لرینی تېکشیره‌میز و ایش قانونی عملی بولیشی اوچون متعهد میز.»
بیزلرنینگ «ایکس» ترماغی ده هم تعقیب قیلینگ!
عین‌حالده، اوشبو احتفال‌ده اقتصاد وزیرلیگی مسئوللری، ایش‌سیزلیک‌نی مملکت‌ده‌گی اساسی معمالردن بیله‌دی.
بو وزیرلیک‌نینگ مسلکی معینی لطیف نظری گه کوره، اسلام امیرلیگی افغانستان‌ده ایش‌سیزلر سانینی کمه‌یتیریش اوچون ایریم ریجه‌لرنی نظرگه آلگن.
اونینگ ایتیشیچه: «ایش‌سیزلیک اساسی معما دیر و اسلام امیرلیگی ریجه‌لریدن بیری بو که ایش‌سیزلیک اوچون ریجه‌لرنی نظرگه آلیب و اوی ساتیب آلیش قوربی کوپه‌یسین. و بو معما حلی اوچون افغانستان‌ده خلق‌ارا تشکیلات‌لردن همکارلیک قیلیش‌لرینی اېسته‌یمیز و افغانستان‌ده خلق‌ارا ایش تشکیلاتیدن ایش زمینه‌سی یره‌تیش‌نی سوره‌یمیز.»
شو بیلن بیرگه، افغانستان سودا و سرمایه یاتقیزیش اتاق مسئوللری، تورلی ساحه‌لرده ملَکه‌لی ایش کوچی آزلیگیدن خواطر بیلدیره‌دیلر.
افغانستان سودا و سرمایه یاتقیزیش اتاق اورین باسری یونس مهمند، ایشلاوچیلر اویوشمه‌سیدن، ملَکه‌لی ایشلاوچیلرنی ایتیشتیریش اوچون اقدام قیلیشینی سوره‌یدی.
شونینگدیک، افغانستان‌ده خلق‌ارا ایش تشکیلاتی باشلیغی توماس استنستروم، ایشلاوچلر حقوقی گه باغلیق کنوانسیون‌لر عملگه آشیریلیشی گه تأکید اېته‌دی.
بوندن آلدین جمهوریت توزومی‌ده، ایشلاوچیلر اویوشمه‌سی بو اویوشمه اعضالری اورته‌سیده‌گی ضدیت‌لیک طفیلی، وقتینچهلیک یاپیلگن اېدی.
