ملی ستندرد اداره مسئوللری، ۱۴-سنبله، چهارشنبه کونی بیر ییل‌لیک یوتوق‌لرینی یېتکرمه‌لر بیلن شریک قیلیش ده، بو اداره سۉنگی بیر ییلده مملکت بندرلریده ۱۱ میلیون ۲۵۸ مینگ نفتی و انشاآتی ماده‌لرنی تېکشیرگنینی معلوم قیلگنلر.
مذکور اداره نینگ دفتر باشلیغی وحیداحمد بدری گه کوره، اۉتگن بیر ییلده مملکت لابراتوارلریده انشاآت، نفت و نساجی ماده‌لریدن ۱۲۳ مینگ ۳۵۹ نمونه آلینگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «صفت بولیمیده اۉتگن بیر ییلده مملکت بندرلریده اوچ میلیون ۸۷۸ مینگ ۴۱۵ نفتی ماده، گاز و مشتقات تېکشیریلگن، اوشبو مقدار دن ۱۲۸ مینگ ۸۱۱ تُنی نینگ صفت‌سیزلیگی انیقلنگن؛ شونینگدیک، انشاآت بولیمیده ییتتی میلیون ۳۸۰ مینگ تُن ماده تېکشیریلگن اولر ارا ۱۵۲ تُنی نینگ صفت‌سیزلیگی اثباتلنگن.»
بدری جنابلری، بو اداره سۉنگی بیر ییلده ایککی میلیارد ۲۸۳ میلیون ۵۲۳ افغانی درآمد قیلگنینی اېته‌دی.
بیزلرنینگ «ایکس» ترماغی ده هم تعقیب قیلینگ!
ملی ستندرد ریاستی نینگ تخنیکی اورین باسری محمدآصف قانت گه کوره، اوشبو اداره سۉنگی بیر ییلده ایچکریده ایشلب چیقریلگن و وارد اېتیلگن ماده‌لر صفتینی انیقلش اوچون ایککی مینگ ۷۴۶ نفت، انشاآت و نساجی ماده‌لریدن نمونه آلیب لابراتوارلر گه یوللـه‌گن. «ایچکریده ایشلب چیقریلگن همده بندرلردن وارد اېتیلگن ماده‌لر تېکشیریلگن، ایککی مینگ ۷۴۶ نفت، انشاآت و نساجی دن نمونه آلینیب مرکزده‌گی لابرتوارلر گه یوللنگن؛ صفت‌سیز نفتی ماده‌لر ساتیلیشی تقیق‌لنگن؛ بو اداره تورت مینگ ۹۳۲ موترلر نینگ نورم‌لرینی تېکشیرگن.»
مذکور اداره مسئوللری، سۉنگی بیر ییلده مملکتده‌گی بوتون فابریکه‌لرنی تېکشیریش بیلن، اولرنی ستندرد قیلیش گه تېنگ قیلگنلرینی اېته‌دیلر.
سۉنگی بیر ییلده افغانستان نینگ احتیاجی بولگن نفت و انشاآتی ماده‌لری کوپراق ایران، اۉزبېکستان و تورکمنستان دن وارد اېتیلگن، ستندرد اداره‌سی اولر ارا قریب ۱۲۹ مینگ تُنی نینگ صفت‌سیز بولگن‌لیگینی انیقله‌گن.
