اوتگن کون کابل نینگ کابل‌سرینا هوتلی‌ده افغانستان بویلب سوداگر عیال‌لر تامانیدن «سوداگر و متشبث عیال‌لر ملی ییغینی و کورگزمه‌سی» اسمی آستیده ایکی کون‌لیک کورگزمه یولگه قویلگن که، اوشبو کورگزمه‌ده متشبث عیال‌لر اینگ یخشی قول صناعت‌لری نی نمایش گه قویگنلر.
اوشبو کورگزمه‌ده عیال‌لردن بیری قولده توزه‌تیلگن دست‌کول، باشقه بیری توقیلگن چیرایلی رنگ-برنگ قالین و گلیم و باشقه بیری ایسه تیکیلگن کییم‌لر نی نمایش گه قویگن دیر.
مذکور کورگزمه گه شرکت قیلگن میدان‌وردک یشاوچیسی زهرا امان وزیری نینگ ایتیشیچه: «اوشبو کورگزمه‌ده رنگ-برنگ دستول و باشقه نرسه‌لر نی نمایش گه قویگن‌میز. بو محصول‌لریمیز نینگ قدامتی بار و تولید‌لریمیز یخشی و اهالی هم خوشله‌یدی.»
شونینگدیک اوشبو کورگزمه‌ده‌گی سوداگر عیال‌لردن باشقه بیری نظیفه نثار نینگ ایتیشیچه، ایش بازاری نینگ ۹۰ فایز سقوط قیلگنی، اولر نینگ ایش برابریده علاقه‌لری نی کمه‌یتیرگن.
اونینگ کوپه‌یتیریشیچه: «گند افغانی و قول صناعتی نی ایشلب چیقاره‌میز. مکمل قول بیلن چرمه دوزلیک، موره دوزلیک و صدف دوزلیک قیله‌میز. شونینگدیک گراف‌دوزلیک و خامه‌ی هم تیکه‌میز. قریب ۲۰ عیال بیزلر بیلن ایشله‌یدی. اوتمیش‌ده ایش‌لریمیز یخشی ایدی، بیراق حاضر ایسه دوکانی‌میز یوق و ساتیش هم کمه‌یگن. آنلاین شکلده ایش‌لریمیز نی پیش ایلته‌میز.»
افغان عیال‌لر صناعتی و سوداگرلیک اتاق‌لری نینگ بیرینچی اورین‌باسری فریبا نوری، اوشبو ییغین نینگ یولگه قوییلگنی‌دن مقصد، کابل و ولایت‌لرده‌گی سوداگر عیال‌لر بیلن صحبت قیلیش و فکر المشتیریش عنوان قیلگن.افغان عیال‌لر صناعتی و سوداگرلیک اتاقی نینگ بورد هیئت عضوی فلورا نوری نینگ ایتیشیچه: «عیال‌لر نی توپله‌ش اوچون کیچه و کوندوز ایشله‌یمیز و هر ولایت‌دن ۳ یا-ده ۴ عیال نی سوداگرلیک نرسه‌لری نی بو ییر گه کیلیب نمایش گه قوییش‌لری اوچون دعوت قیلدیک.»
شونده‌ی بیرحالده، اوشبو کورگزمه‌ده اقتصاد وزیرلیگی نینگ مسلکی اورین‌باسری عبدالطیف نظری نینگ ایتیشیچه، ایچکی تولید‌لردن حمایت قیلیش اوچون اقتصاد وزیرلیگی سعی و حرکت قیلماقده دیر.
مذکور کورگزمه گه شرکت قیلگن عیال‌لر، خام ماده‌لر بهاسی نینگ کوپه‌یگنی و ایسته‌ک کمه‌یگنی سبب تولیدلر میزانی نینگ کمه‌یگنی خصوصیده خواطر بیلدیرگنلر. شونده‌ی بیرحالده، اسلام امیر‌لیگی نینگ قدرت گه ایریشیب و عیال‌لر گه یره‌تیلگن چیکلاو‌لردن کیین، عیال‌لردن کوپ قطاری سوداگرلیک فعالیت‌لری نی توخته‌تگنلر.
