کانلر و پترولیم وزیرلیگی بوگون (۲۲-ثور، شنبه کونی) افغانستان ده ایکّی بویوک کان نینگ قازیب چیقریش شرطنامه‌سینی ۱۵ ییل‌گچه ایکّی بویوک شرکت بیلن امضاله‌دی.
کانلر و پترولیم وزیرلیگی همده شرکت‌لر اۉرته‌سیده هرات مرکزی ده «بارید» کانی و کابل سروبی تومنیده «یاقوت» کان‌لری نینگ قازیب چیقریش شرطنامه‌سی امضالنگن.
۵.۷ کیلومتر مربع مساحتی بولگن هرات بارید کانی نینگ شرطنامه‌سی ۵.۹۹ میلیون دالر و ۶.۸ کیلومتر مربع مساحتی بولگن کابل ولایتی سروبی تومنی یاقوت کانی نینگ شرطنامه‌سی، ۲۷ میلیون دالر عوضی گه امضالنگن.
بیزلرنینگ فیسبوک صحیفه‌میزگه باش اورینگ!
کانلر و پترولیم وزیرلیگی مسئوللری گه کوره، بو کانلر نینگ شرطنامه‌سی سهمیه طرزده امضالنگن، هرات بارید کانی نینگ قازیب چیقریش اوچون حکومت نینگ سهمی ۵ فایز و کابل یاقوت کانی دن ۴۴ فایز دیر.
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه: «بو شرطنامه‌لر ۱۵ ییل‌گچه امضالندی و شریعت قاعده‌لری و ملی منفعت اساسیده آلغه آلیب باریله‌دی.»
مذکور کانلر نینگ شرطنامه‌سی امضالنیشیده یشش محیط گه صدمه یېتکیزمسلیک، قاچقین‌لر ایش گه آلینیشی و افغانستان ایچیده ۱۰۰ فایز پروسس اېتیلیشی تاکید اېتیلگن، بو طلب‌لر انابت گه آلینمه‌گن تقدیرده شرطنامه کېسیلیشی ممکن دیېدی، کانلر و پترولیم وزیرلیگی سرپرستی شهاب‌الدین دلاور.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «شرطنامه امضاله‌گن شرکت‌لر وعده‌لری گه عمل قیلمه‌گن حالده شرطنامه کېسیله‌دی و ېنه مهم وعده‌لردن بیری بو که ایکّی آی موجه دلیل باعث قازیب چیقریلیش ایشی توخته‌تیلسه هم شرطنامه کېسیله‌دی.»
بو کانلر نینگ قازیب چیقریش شرطنامه‌سینی امضاله‌گن شرکت‌لر نینگ مسئوللری، کانلر قازیب چیقریلیشی اوچون زمینه یره‌تیلگن‌لیگیدن خورسندلیک بیلدیریب، کوپراق سرمایه یاتقیزیش زمینه‌سی یره‌تیلگن حالده، افغانستان ده سرمایه یاتقیزیش‌لریدن ایشانچ بیره‌دیلر.
شرطنامه امضاله‌گن شرکت‌لردن بیری نینگ باشلیغی وحدت نیازی، افغانستان ده سرمایه یاتقیزیش زمینه‌سی و اوشبو شرکت نینگ تجربه‌سی گه دایر سلام‌وطندار نینگ سوالی گه جواب ایتیشیچه: «سرمایه یاتقیزیشنی باشله‌گنیمیزدن ۱۵ ییل اوتماقده بوندن سۉنگ هم سرمایه یاتقیزیشنی اېسته‌یمیز و خارج ده‌گی سرمایه یاتقیزووچیلردن هم افغانستان گه کېلیب و سرمایه یاتقیزیش‌لرینی اېسته‌یمیز.»
ایتیش کېره‌ک، اسلام امیرلیگی سۉنگی ایکّی ییل ده حکومت بودجه‌سینی تامینلش اوچون کوپ سانده کانلر نینگ قازیب چیقریش شرطنامه‌سینی امضاله‌گن.
