اسلام امیرلیگی اقتصاد وزیرلیگی سرپرستی دینمحمد حنیف، دنیا همجمعیت و یاردم بیرووچی نهادلردن، افغانستاننینگ تشقی یاردملر گه باغلیقلیگی کمهیشی و دایمی آست قورمهلر ایجاد اېتیلیشی اوچون، بو مملکتده ترقیاتی یاردملر گه کوپراق دقت قیلیشینی سورهگن.
بیزلرنینگ فیسبوک صحیفهمیزگه باش اورینگ!
اقتصاد وزیرلیگی، ۲۲-دلو، دوشنبه کونی ایکس صحیفهسیده بیر بیانیه ترقهتیب، مذکور وزیرلیک سرپرستی دینمحمد حنیف بو موضوعنی افغانستان اوچون ناروی ایلچیخانهسی شارژدافیری پیر آلبرت الساس بیلن اوچرهشووده بیان قیلیب، افغانستانده ایچکی امکانیتلر گه سویهنیش، عمومی و خصوصی ساحهلرده سرمایه یاتقیزیش، بو مملکتنینگ اقتصادی رواجلنیشی گه سبب بولیشینی اېتگن.
اوشبو اوچرهشووده، اقتصاد وزیرلیگی سرپرستی مالی و بانکی چېکلاولر دوام تاپیشی و افغانستاننینگ سرمایهسی توسیلیشی، مملکتده ایشسیزلر و کمبغللر سانی کوپهیشی گه سبب بولگن و بو چېکلاولر بیکار قیلینیشی گه تأکید اېتگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، افغانستانده بیرلشگن ملتلر تشکیلاتی اورین باسرلیک هیئت ادارهسی (یوناما)، افغانستان گه ترقیاتی یاردملر مقداری انسان سیورلیک یاردملر گه نسبتن کوپهیگنینی معلوم قیلگن اېدی.
