بوگون (۱۰-اسد، چهارشنبه) فلسطین خلقی مسجدلر نینگ بلند گوی‌لری آرقه‌لی حماس نینگ سیاسی رهبری اسماعیل هنیه نینگ ترور اېتیلیش خبریدن آگاه بولدیلر.
اسماعیل هنیه ایران ینگی جمهور باشلیغی مسعود پزشکیان نینگ آنت اېچیش مراسمیده اشتراک اېتیش اوچون تهران گه بارگندی، بوگون بامداد پیتی تهران شهری ده بیر قوریقچیسی بیلن مخصوص ترور جاییده هوا آرقه‌لی ترور بولگنلر.
بو واقعه کېنگ کولمده مناسبت‌لر گه سبب بولگن اولر ارا اسلام امیرلیگی، فلسطین، ایران، سوریه، روسیه، چین، تورکیه و باشقه بیرقطار مملکت‌لر اوشبو واقعه گه دایر مناسبت بیلدیرگن.
اسلام امیرلیگی بیر بیانیه آرقه‌لی اسماعیل هنیه نینگ ایشلری و مبارزه‌لرینی آلقیشلب اونینگ اولیمینی کتّه ضایعه اته‌گن.
بیزلرنینگ فیسبوک صحیفه‌میزگه باش اورینگ!
گرچند اسرائیل حاضرگه قدر رسمی طرزده بو واقعه اولر نینگ ایشی بولگن‌لیگینی تصدیقلمه‌گن؛ بیراق شو بیلن هم حماس و ایران دولتی هنیه نینگ ترور اېتیلیش قصاصی اسرائیل دن آلینیشینی اېتگنلر.
عین‌حالده، خلق‌ارا مناسبت‌لر بیلرمان‌لری اسماعیل هنیه اولدیریلیشینی منطقه ده خواطرلی واقعه اته‌ب و ایران نینگ بونده‌ی واقعه‌لر گه توسیق بوله آلمسلیگینی اېته‌دیلر.
خلق‌ارا مناسبت‌لر ایش بیلرمانی عبدالواحد حکیمی گه کوره: «هنیه جنابلری حماس اوچون تینچ مملکت سنلگن مملکتده ترور بولدی بیر، ایکّینچی اسرائیل همکار مملکت‌لر اینیقسه امریکا بیلن مخالف‌لرینی منطقه نینگ هر جاییده بولسه نشانگه آلیش پیامینی یېتکزدی.»
بیزلرنینگ «ایکس» ترماغی ده هم تعقیب قیلینگ!
امریکا قۉشمه ایالتلری اسماعیل هنیه اولدیریلیش واقعه‌نی کوزه‌تماقده‌لیکلرینی اېتسه‌لرده بیراق امریکا رسمی‌لری بوتوغریده فکر-ملاحظه بیلدیریشمه‌گن.
روسیه تشقی ایشلر وزیرلیگی هم اوشبو واقعه گه مناسبت بیلدیریب، اۉرته شرق ده اوروش تامان‌لرینی خویشتن‌دارلیکه دعوت قیلگن.
شو بیلن بیرگه، بیلرمان‌لر نینگ ایشانچی گه کوره حماس نینگ سیاسی رهبری ترور اېتیلیشی منطقه ده کېسکین‌لیکّه سبب بولیشی ممکن.
خلق‌ارا مناسبت‌لر بیلرمان‌لریدن عمر نهضت نینگ ایتیشیچه: «منطقه ده کېسکین‌لیک کوچه‌یماقده و عاقبتی اسلام عالمی حقوقی تېزیمی شکللنیشی اوچون اوروش کېنگه‌یشی گه سبب بولیشی ممکن.»
ایتیش کېره‌ک، حماس چمه‌سی توقیز آی دن بېری غزه ده اسرائیل بیلن اوروش قیلیب کېلماقده و حاضر گه قدر بو اوروش گه چېک قوییش اوچون آلیب باریله‌یاتگن سعی-حرکتلر نتیجه بیرمه‌گن.
