حماس نینگ سیاسی رهبری اسماعیل هنیه، ایران پایتختی تهران شهری ده ترور اېتیلیشی بیلن اوشبو مملکت دولتی اوچ کون عمومی ماتم اعلام قیلگن.
ایران ایرنا آژانسی بوگون (۱۰-اسد، چهارشنبه) ایران اسلامی جمهوریتی تامانیدن ترقه‌لگن بیانیه دن نقل قیلیب یازیشیچه، حماس نینگ سیاسی رهبری اسماعیل هنیه ترور اېتیلیشی اوچون ایران دولتی اوشبو هفته چهارشنبه، پنج‌شنبه و جمعه (۱۰، ۱۱ و ۱۲-سرطان) کونلرینی عمومی ماتم اعلام قیلگن.
بیزلرنینگ فیسبوک صحیفه‌میزگه باش اورینگ!
ایران نینگ مذهبی رهبری آیت‌الله علی خامنه‌ای، حماس نینگ سیاسی رهبری اسماعیل هنیه ترور ایتیلیش قصاصی آلینیشنی اۉز وظیفه‌سی دیب آگاه‌لنتیرگن.
اونگه کوره، اسرائیل بو اقدامی بیلن اۉزی اوچون قتیق جزا کوریش زمینه‌سینی یره‌تگن.
شونینگدیک، ایران جمهور باشلیغی مسعود پزشکیان بو موضوع گه مناسبت بیلدیریب «ترورچی اشغالچیلر نی بو ایشلریدن» پشیمان قیلیشینی بیلدیرگن.
بیزلرنینگ «ایکس» ترماغی ده هم تعقیب قیلینگ!
حماس نینگ سیاسی رهبری و بیر قوریقچیسی بوگون بامداد پیتی تهران نینگ شمالی حدودلریده مخصوص تورر جای ده هوا آرقه‌لی ترور اېتیلدی.
بو واقعه کېنگ کولمده مناسبت‌لر گه سبب بولگن.
اسرائیل بوتوغریده حاضرگه قدر رسمی طرزده فکر-ملاحظه بیلدیرمه‌گن.
