اسلام امیرلیگی باش وزیری‌نینگ سیاسی اورین باسری محمدعبدالکبیر باشچیلیگیده سرپرست حکومت‌نینگ سیاسی کمیسیونی سۉنگی ییغیلیشی‌ده، منطقه‌ده‌گی اۉزگریش، منطقه و دنیا مملکتلری بیلن مناسبت‌لرینی مستحکم‌لش و افغانستان گه انسان پرورلیک یاردملر دوام تاپیشی کبی مسئله‌لرنی محاکمه قیلگن.
بو ییغیلیش‌ده، اسلام امیرلیگی سیاسی کمیسیونی تامانیدن بعضی قرارلر آلینگنی اېتیلگن.
بوتوغریده ارگ صفحه‌سیده ترقه‌لگن بیانیه‌نینگ بیر قسمی‌ده بونده‌ی ذکر بولگن: «اوشبو ییغیلیش‌ده منطقه و دنیاده‌گی سۉنگی اوزگریش‌لر و مملکتلر بیلن مناسبت‌لرنی مستحکم‌لش بحث گه آلینیب و فکر المشتیریلگن. شونینگدیک، آجندا اساسیده بعضی مهم موضوع‌لر اینیقسه سیاسی و اقتصادی ترقیات، قیش عرفه‌سیده انسان پرورلیک یاردملر و بنگی‌وار ماده‌لر گه قرشی کوره‌ش ساحه‌سیده‌گی یوتوقلر بحث گه آلینگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی، عین‌حالده دنیا مملکتلری بیلن مناسبت‌لرینی مستحکم‌لش گه تأکید اېتماقده، بو حکومت حاضرگه قدر هېچ بیر مملکت تامانیدن تن آلینمه‌گن.
اسلام امیرلیگی ایچکی ایشلر وزیرلیگی سرپرستی سراج‌الدین حقانی ۲۸-عقرب، دوشنبه کونی خوست ولایتیده اۉتکزیلگن مراسمده، بو حکومت اسلام قاعده‌لری اساسیده دنیا بیلن تعامل قیلیشینی اېتگن.
ایچکی ایشلر وزیرلیگی سرپرستی‌نینگ کوپه‌یتیریشیچه: «اۉز قاعده‌لریمیز اساسیده دنیا بیلن همکارلیک قیلیشنی اېسته‌یمیز، چونکه سودا و اقتصاد کبی مسئله‌لر اوچون همکارلیک ضرور دیر و بو گَل همکارلیک‌لرده هېچ بیر تیزیم بیلن قرشی اېمس‌میز.»
بیزلرنینگ «ایکس» ترماغی ده هم تعقیب قیلینگ!
ایش بیلرمان‌لرنینگ ایشانچی گه کوره، افغانستان و دنیانینگ باشقه مملکتلر بیلن بعضی مجبوریت‌لری، مملکتلر و اسلام امیرلیگینی بیر-بیری بیلن اۉز ارا مناسبت قوریش گه مجبور قیلیب و افغانستان بیلن بیرقطار مملکتلرنینگ حاضرگی همکارلیگی اوشبو مجبوریت‌لر اساسیده دیر.
اوشبو ایش بیلرمانلر، افغانستان و دنیا اۉرته‌سیده‌گی اۉز ارا علاقه‌لرنی مستحکم‌لش و یېنه‌ده کېنگه‌یتیریشنی اسلام امیرلیگی‌نینگ دنیا بیلن رسمی علاقه‌لری گه اساس بوله آله‌دیگن قدملر قوییش ضرور، دیب حسابله‌یدی.
خلق‌ارا مناسبت‌لر ایش بیلرمانلریدن ولی فروزان گه کوره: «مملکتلر اۉز احتیاجلری و ضرورت‌لری اساسیده افغانستان بیلن همکارلیک قیلیشماقده و بونی همکارلیک قیلیش دیېشه‌دی، غرب هم افغانستان‌نینگ سیاسی و اقتصادی تیزیمی قوله‌ش طرفداری اېمس.»
خلق‌ارا مناسبت‌لر ایش بیلرمانلریدن باشقه بیری نورالرحمان ثاقب‌نینگ ایتیشیچه: «اویله‌شیمچه بیر مملکت بیلن باشقه مملکت‌نینگ مناسبتی رسمی علاقه‌سی بولسه مستحکم‌لنه‌دی و کېین اېسه ایچکی و تشقی سیاست‌لری اساسیده مناسبت‌لر کېنگه‌یه‌دی.»
باشقه تاماندن، ایش بیلرمانلر، اسلام امیرلیگی افغانستان‌نی حاضرگی احوالدن قوتقریش اوچون، دنیا بیلن همکارلیکلرینی کېنگه‌یتیریش گه زمینه یره‌تیشی کېره‌ک دیېدیلر.
برچه‌سی بیلن، اسلام امیرلیگی دنیا مملکتلری تامانیدن تن آلینگن بولمسه ده؛ بیراق هردایم دولتلر سرپرست حکومت بیلن همکارلیک قیلیش گه اېنتیلیب کېلگن.
