اسلام امیر‌لیگی سوزلاوچیسی ذبیح‌الله مجاهد بوگون ایرتنگ چاغی (دوشنبه ، ۸حوت) بیر تویت آرقه‌لی، کابل شهری‌ده داعش گروهی نینگ اونملی قرار‌گاهی اوستیگه یولگه قوییلگن بیر عملیات جریانیده اوشبو گروه نینگ ایکی عضوی هلاک بولگنی و بیرته‌سی نینگ تیریک قولگه آلینگنی نی اعلام قیلگن.
اسلام امیر‌لیگی سوزلاوچیسی، اوشبو عملیات یک‌شنبه کونی شام چاغی ۷-حوت، کابل شهری نینگ ۱۷-حوزه اطرافیده جایلشگن خیرخانه نینگ «شهرک ذاکرین» ساحه‌سیده صورت تاپگنی نی یازگن دیر.
بیزلرنینگ فیسبوک صحیفه‌میزگه باش اورینگ!
ذبیح‌الله مجاهد گه کوره، مذکور عملیات جریانیده ایکی میل کلاشینکف، بیر واسکت و باشقه بیر مقدار تجهیزات قولگه کیلتیرگنلر.
اسلام امیر‌لیگی سوزلاوچیسی گه کوره، داعش گروهی نینگ مذکور اعضا‌لری اوشبو قرار‌گاه‌ده تخریبی عملیات‌لر برنامه‌لری نی تیار قیله‌ر ایکن‌لر که، اسلام امیر‌لیگی کوچلری نینگ عملیاتی بیلن اوشبو برنامه‌لر نینگ آلدی آلینگن.
بیزلرنینگ توییترده هم تعقیب قیلینگ!
ذبیح‌الله مجاهد نینگ کوپه‌یتیریشیچه، مذکور عملیات جریانیده اسلام امیر‌لیگی کوچلری گه هیچ قنده‌ی زیان ییتیشمه‌گن.
ایتیش کیره‌ک که، اوتگن کونی شام چاغی منبع‌لر کابل شهری نینگ خیرخانه ساحه‌سیده نیچه پارتلش و آتیشمه سیسی ییشیتیلگنی‌دن خبر بیرگنلر.
بو توغریده حاضرگچه داعش گروهی هیچ بیر نرسه دیمه‌گن.