جوزجان، هرات، بلخ و پنجشیر ولایت‌لری مسووللری نینگ ایتیش‌لریچه، بیرینچی مرحله‌ده امنیتی کوچلر، ژورنالیست‌لر و ساغلیک ایشلاوچیلر اوشبو واکسیندن فایدهلنهدیلر.
جوزجان ولایتی بوییچه ساغلیق‌نی سقلش ریاستی مسووللری نینگ ایتیش‌لریچه، کرونا ویروسی‌گه قرشی ۶ مینگ و ۱۷۰ دوز واکسین نینگ عملگه آشیریلیش جریانی باشلنگن و ایکی مرحله‌ده عملگه آشیریلیشی ممکن.
جوزجان ولایتی بوییچه ساغلیق‌نی سقلش ریاستی نینگ ساغلیک بولیمی مسوولی داکتر الغ بیک ایوب نینگ ایتیشیچه، بیرینچی مرحله‌ده امنیتی کوچلر، ساغلیک ایشلاوچیلر و ژورنالیست‌لر کرونا ویروسی‌گه قرشی واکسین دن فایدهلنهدیلر.
جوزجان ولایتی بوییچه ساغلیق‌نی سقلش ریاستی مسووللری نینگ ایتیش‌لریچه، اوشبو ولایتده کرونا ویروسی چیقگنیدن حاضرگه‌قدر ۲۴۸ کیشی بو ویروس‌گه چلینگن و بو جمله‌دن ۷ ته‌سی دنیا دن اوتگن.
جناب ایوب نینگ کوپه‌یتیریشیچه، کیله‌سی بیر آی جریانیده جوزجان یشاوچی‌لریدن ۲۰ فایزینی اوشبو واکسین دن فایدهلنیشلری ممکن.
عین‌حالده، کرونا ویروسی‌گه قرشی واکسین دن فایده‌لنگن کیشی‌لرنینگ ایتیش‌لریچه، کرونا ویروسی‌گه قرشی واکسین نینگ عملگه آشیریلیشیدن سونگ، مصونیت احساس قیله‌دیلر و بو لایحه نی دوام قیلیشی کیره‌ک.
شونینگدیک، هرات و پنجشیر و بلخ ولایتیده هم کرونا ویروسی‌گه قرشی واکسین قیلیش جریانی باشلنگن.
هرات ولایتی بوییچه ساغلیق‌نی سقلش ریاستی سرپرستی محمدآصف کبیرنینگ ایتیشیچه، اوشبو ولایتده کرونا ویروسی‌گه قرشی واکسین قیلیش جریانی باشلنگن و بیرینچی مرحله‌ده امنیتی کوچلر، ساغلیک ایشلاوچیلر و ژورنالیست‌لر بو واکسیندن فایدهلنهدیلر.
پنجشیر ولایتیده هم کرونا ویروسی‌گه قرشی واکسین قیلیش جریانی محلی مسوول‌لر حضوری بیلن باشلنگن.
پنجشیر حاکمی سوزلاوچیسی منصور عنابی نینگ ایتیشیچه، ۲ مینگ و ۲۴۶ دوز واکسین اوشبو ولایتده اجره‌تیلگن و بیرینچی مرحله‌ده ۱۳۴۰ کیشی کرونا ویروسی‌گه قرشی واکسین قیلینه‌دی.
کرونا ویروسی‌گه قرشی واکسین قیلیش جریانی اوتگن “سه‌شنبه” کونی جمهور رییس محمداشرف غنی نینگ حضوری بیلن کابل‌گه باشلندی.