ارزگان ده سرپرست‌سیز باله‌لر و یقین‌داش‌لری نینگ ایتیش‌لریچه، جاری ییل نینگ قیش موسومی‌ده ییمک قولگه کیلتیریش اوچون کوپینچه قیین‌چیلیک‌لر بیلن روپه‌ره بولگنلر.
شونده‌ی بیرحالده ارزگان مرکزی ترینکوت شهری یشاوچیسی بولمیش گل‌سیکه، اوروش‌لر‌ده اوچ اوغلی نی قولدن بیرگن.
بیزلرنینگ فیسبوک صحیفه‌میزگه باش اورینگ!
عین‌حالده، اوغیل‌لریدن قالگن ۱۳ نیوره نی باقه‌دیگن گل‌سیکه نینگ ایتیشیچه، هوا نینگ ساووق‌لیگی، آچلیک و تورلی‌خیل کسل‌لیک‌لر مذکور باله‌لر حیاتی نی تهدید قیله‌دی.
اونینگ کوپه‌یتیریشیچه: «اوی‌ده اون و باشقه نرسه‌لریمیز یوق و قییش هم جوده قیین دیر. قیش اوچون هیچ بیر نرسه‌میز یوق. اوی‌ده ییتیم‌لر بار. خدا گه قسم که بوتون ییل اوزیم نی چپلیم نی اولر نی ایاغی گه کیدیرگن‌مین.»
شونده‌ی بیرحالده، ارزگان ده سرپرست‌سیز باله‌لردن قطاری نینگ ایتیش‌لریچه، تعلیم‌‌دن محروم‌لر و کوپینچه قیین‌چیلیک بیلن عایله‌لری نینگ خره‌جتی نی تامین قیله‌دیلر. اولر حکومت و یاردم بیرووچی نهاد‌لردن یاردم بیریلیشی نی ایسته‌یدیلر.
اوشبو باله‌لردن بیری وحید‌الله نینگ سلام‌وطندار گه ایتیشیچه: «هیچ بیر نرسه‌میز یوق. کونده ۳۰۰ افغانی تاپه‌میز که اونی بیلن اوی گه کیره‌ک بولگن نرسه‌لر نی آله‌میز. اوی‌ده هیچ بیر نرسه یوق. قیش موسومی قیین‌چیلیک‌لریمیز نی کوپه‌یتیرگن.»
بیزلرنینگ توییترده هم تعقیب قیلینگ!
شونینگدیک باله‌لردن باشقه بیری جاوید احمد نینگ ایتیشیچه: «یوتله‌من و کسل‌مین، بیراق بازار‌ده قاغاز توپله‌یمن و کیچه قاغاز‌لر نی یاقیب و اوی نی ایسیته‌میز. بیزلر گه یاردم بیریلیشی نی ایسته‌مین.»
شونده‌ی بیرحالده، ارزگان مهاجرلر و قاچقین‌لر ایشلری بوییچه آمری نور‌آغا نوری نینگ ایتیشیچه: «مهاجرلر وزیرلیگی رسمی‌لری بیلن قیش موسومی خصوصیده صحبت قیلدیک. ان‌شاءالله قیش‌ده اهالی قیین‌چیلیگی نینگ حل بولیشی اوچون یاردم‌لر تیارله‌یمیز.»
عین حالده، قاچقین‌لر ایشلری بوییچه بیرلشگن ملت‌لر تشکیلاتی نینگ عالی کمیشنری اورین‌باسری یومیکو تاکاشیما نینگ ایتیشیچه، افغانستان یشاوچیلریدن ۹۰ فایزی قشاق‌لیک چیزیغی آستیده دیر و اولردن یریمی‌دن آرتیغی عاجل یاردم گه نیازمند دیر.