اسلام امیرلیگی تشقی ایشلر وزیرلیگی سرپرستی امیرخان متقی، «فرمت مسکو» آلتینچی ییغیلیشی ده اشتراک اېتیش اوچون روسیه گه سفر قیلیب و اوشبو مملکت تشقی ایشلر وزیری سرگئی لاوروف بیلن اوچره‌شگن.
اسلام امیرلیگی تشقی ایشلر وزیرلیگی بوگون (۱۴-میزان، شنبه) ایکس صحیفه‌سیده بیر بیانیه ترقه‌تیب، اسلام امیرلیگی و روسیه تشقی ایشلر وزیرلری ایکّی تامانلمه همکارلیک مستحکم‌لنیشی و افغانستان نینگ اقتصادی و خوفسیزلیک مسئله‌لری حقیده بحث اېتگنینی یازگن.
بیزلرنینگ فیسبوک صحیفه‌میزگه باش اورینگ!
اسلام امیرلیگی تشقی ایشلر وزیرلیگی روسیه تشقی ایشلر وزیریدن نقل قیلیب یازیشیچه، بو مملکت افغانستان وضعیتی گه دایر یولگه قوییله‌دیگن ییغیلیش‌لرده اسلام امیرلیگی وکیلینی چقیریش اوچون سعی-حرکت قیله‌دی.
اسلام امیرلیگی تشقی ایشلر وزیرلیگی سۉزلاوچیسی نینگ اورین باسری ضیااحمد تکل گه کوره: «روسیه تشقی ایشلر وزیری، افغانستان وضعیتی گه دایر یولگه قوییلگن ییغیلیش‌لرده اسلام امیرلیگی وکیلینی چقیرگن و بونگه دوام بیریش‌لرینی اېتدی. سرگئی لاوروف افغانستان مرکزی بانکی سرمایه‌سی آزاد اېتیلیب و مملکت‌لر اسلام امیرلیگی بیلن همکارلیک قیلیشی گه تأکید اېتگن.»
بیزلرنینگ «ایکس» ترماغی ده هم تعقیب قیلینگ!
باشقه تاماندن، اسلام امیرلیگی تشقی ایشلر وزیرلیگی نینگ کوپه‌یتیریشیچه، روسیه تشقی ایشلر وزیری افغانستان مرکزی بانکی نینگ سرمایه‌سی آزاد اېتیلیشینی تأکیدلشگه قۉشیمچه، افغانستان نینگ منطقه اولکه‌لرینی باغلش اوچون رولی مهم‌لیگینی بیلدیرگن.
سرگئی لاوروف، روسیه کمپنیه‌لری افغانستانده سرمایه یاتقیزیش گه تیار اېکنلرینی اېتگن.
اوشبو اوچره‌شووده، اسلام امیرلیگی تشقی ایشلر وزیرلیگی سرپرستی امیرخان متقی، یېنه بیر مراتبه افغانستان ده عصیانچی گروه تهدید اېمسلیگیدن ایشانچ بیلدیرگن.
