بلخ ده محلی منبع‌لر نینگ سلام‌وطندار گه ایتیش‌لریچه، بوگون ایرتنگ چاغی ساعت ۷:۱۵ ده، اوشبو ولایت مرکزی مزارشریف شهری اطرافیده کوچلی بیر پارتلش یوز بیرگن.
منبع‌لر گه کوره، مذکور واقعه‌ده «۵۸۰» تیپلی یولاووچی تاشوچی بیر موتر مزارشریف شهری نینگ سید‌آباد تورت یولی‌ده ماین پارتلشی گه دوچ کیلگن.
بیزلرنینگ فیسبوک صحیفه‌میزگه باش اورینگ!
منبع‌لر نینگ کوپه‌یتیریش‌لریچه، مذکور پارتلش نینگ نتیجه‌سیده بیر قطار کیشی اولیب و یره‌لنگن. لیکن اولر نینگ تلفاتی خصوصیده حاضرگچه انیق معلومات بیرمه‌گنلر.
شونده‌ی بیرحالده، بلخ امنیه قوماندانلیگی سوزلاوچیسی محمد‌آصف وزیری، اوشبو پارتلش نی تصدیق‌لب و سلام‌وطندار گه ایتیشیچه، پارتلش مزارشریف شهری نینگ اوچینچی ناحیه اطرافیده جایلشگن سید‌آباد منطقه‌سیده «۵۸۰» تیپلی بیر موتر‌ده یوز بیرگن.
بیزلرنینگ توییترده هم تعقیب قیلینگ!
بلخ امنیه قوماندانلیگی سوزلاوچیسی نینگ کوپه‌یتیریشیچه، مذکور پارتلش نتیجه‌سیده بیر قطار کیشی اولیب و یره‌لنگن؛ بیراق اونگه کوره، تلفات ارقامی خصوصیده انیق معلومات قولده یوق.
حاضرگچه اوشبو پارتلش مسئولیتی نی بیرار گروه یا-ده شخص بوینیگه آلمه‌گن.