خلقارا آزیق-آوقت دستورینینگ افغانستان بولیمی، اروپا اتفاقینینگ افغانستان گه تورت میلیون ۶۰۰ مینگ دالر یاردم بیرگنینی معلوم قیلگن.
اوشبو نهاد، بیر بیانیه آرقهلی یازیشیچه، مذکور یاردم بیرلشگن ملتلر تشکیلاتینینگ انسانسیورلیک هوا خذمتلری و افغانستاننینگ اوزاق بولیملرگه قوتقروو یاردملرنی ییتیشتیریش بولیمیده صرفلنیشی ممکن. «بیرلشگن ملتلر تشکیلاتینینگ انسانسیورلیک هوا خذمتلری یا-ده UNHAS، کینگ کولملی فاصلهلرنی قمراوگه آلهدی و یاردم بیریش امکانیتیگه ایگه بولگن کیشیلرنی عاجل یاردم گه نیازی بولگن کیشیلرگه باغلهیدی که بو رقم، هیچ بیر جمعیتنینگ اعتبارسیز قالمسلیگیدن ایشانچ قولگه کیلسه.»
خلقارا آزیق-آوقت دستوریگه کوره، اروپا اتفاقینینگ مذکور یاردمی افغانستان ده بیرلشگن ملتلر تشکیلاتینینگ انسانسیورلیک هوا خذمتلرینی فعال سقلهیدی.
مذکور نهادنینگ معلوماتی اساسیده، بیرلشگن ملتلر تشیکلاتینینگ انسانسیورلیک هوا خذمتلر بولیمی، جاری میلادی ییل باشلنگنیدن حاضرگچه بیر مینگ ۶۰۰ دن آرتیق پرواز نی ۲۰ منزلگه عملگه آشیرگن که اولردن، ۱۸ تهسی افغانستان ایچیده و ایکی تهسی چیت ایلگه بولگن.
افغانستاننینگ تاغلی بولگنی و ترانسپورت آستقورمهلری کملیگی، بعضا اوزاق بولیملردهگی نیازمند یشاوچیلرگه ییر آرقهلی یاردم ییتکزیلیشنینگ امکانسیزلیگی و هوا یولیدن عملگه آشیریلیشیگه سبب بولهدی.
