قندوز قماقخانه‌سی مدیری رشوه آلیش‌گه عیب‌لنگن، لیکن قولگه آلینیشیدن آلدین نامعلوم جایگه قاچیب کیتگن.
قندوز ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوتگن “سه‌شنبه” کونی ملی خوفسیزلیک کوچلری بیر عملیات آرقه‌لی اوشبو ولایت بوییچه قماقخانه مدیری محمدعارف نی قولگه آلیش اوچون سعی و حرکت قیلگنلر، لیکن قماقخانه مدیری قاچیب کیتیش‌گه موفق بولگن.
منبع نینگ ایتیشیچه، قندوز ولایتی بوییچه قماقخانه مدیری ۷۰ مینگ افغانی رشوه آلیش‌گه قصد قیلگن ایکن و عسکرلریدن بیرینی مذکور پول‌نی قولگه کیلتیریش اوچون بیللی بیر جایگه یوبارگن.
منبع نینگ کوپه‌یتیریشیچه، مذکور عسکر و رشوه بیره‌دیگن کیشی ملی خوفسیزلیک ایشلاوچی‌لری تامانیدن قولگه آلینگن.
منبع گه کوره، قولگه آلینگن کیشی قماقخانه مدیری نینگ بویروغی آرقه‌لی بیللی قیلینگن جایگه کیلگنینی بیلدیرگن.
ملی خوفسیزلیک کوچلری عیب‌دار کیشی‌نی قولگه آلیش اوچون سعی و حرکت قیلگن، لیکن قماقخانه مدیری نامعلوم جایگه قاچیب کیتگن.
قندوز محلی و امنیتی مسوول‌لری بوتوغریده معلومات بیریش‌نی ایستمه‌گن.