سۉنگی کونلرده اۉرته شرق ده کېسکین‌لیک‌لر اوج آلماقده اېکن اسرائیل و حزب‌الله لبنان سۉنگی کونلرده بیر-بیری نینگ مرکزلرینی هوا و راکته بیلن نشانگه آلماقده‌لر.
حزب‌الله لبنان بوگون (۱-میزان، یکشنبه) بامداد پیتی، چمه‌سی ۱۰۵ راکت و اوچووچی‌سیز اوچاق بیلن اسرائیل توپراغی گه هجوم اویوشتیریب و اسرائیل شمالیده‌گی یوزلب کیشی نینگ آواره بولیشی گه سبب بولگن.
حزب‌الله نینگ اسرائیل گه راکته و اوچووچی‌سیز اوچاق‌لری نینگ احتمالی تلفاتی و زیان‌لری حقیده حاضرگچه هېچ نرسه دیېلمه‌گن.
شو بیلن بیرگه ایش بیلرمان‌لر، دنیا تینچ‌لیگی اوچون بو گَل هجوملر سلبی عاقبتیدن آگاه‌لنتیریب و دوام اېتگن حالده احوال کنترول دن چیقیشی ممکن دیېدیلر.
بیزلرنینگ فیسبوک صحیفه‌میزگه باش اورینگ!
خلق‌ارا مناسبت‌لر بیلرمانی شمشاد عزیز کاظمی نینگ ایتیشیچه: «اسرائیل نینگ لبنان گه هجومی نه‌فقط حزب‌الله بلکه لبنان دولتی و خلقی اسرائیل گه قرشی اوروش اعلام قیلیش‌لری گه سبب بولیشی ممکن.»
غزه ده اسرائیل و حماس اۉرته‌سیده اوروش دوام اېتماقده اېکن، حزب‌الله لبنان و اسرائیل اۉرته‌سیده توقنشوولر کوچه‌یگن.
شو بیلن بیرگه ایش بیلرمان‌لر نینگ ایشانی گه کوره، اسرائیل نینگ حزب‌الله لبنان بیلن توقنشووی حزب‌الله نینگ حماس نی قۉللب-قوتلش ریجه‌سی گه زیان یېتکیزیش و غزه اوروشیده اسرائیل باش وزیری بنیامین نتانیاهو و اوروش کابینه‌سی نینگ مغلوبیتینی آقلشگه آلیب کېلیشی ممکن.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمانی شمشاد عزیز کاظمی نینگ ایتیشیچه: «اسرائیل حماس و اسلامی جهاد اۉرته‌سیده‌گی استراتیژیک همکارلیکّه زیان یېتکیزیش گه سعی-حرکت قیلماقده و حماس همده اسلامی جهاد نینگ بیر-بیرینی قۉللب-قوتلشینی خنثا قیلیشنی اېسته‌یدی.»
شونینگدیک، خلق‌ارا مناسبت‌لر ایش بیلرمان‌لریدن برنا صالحی گه کوره: «اسرائیل نینگ لبنان جنوبی گه مثل‌سیز هجوملری، شمالی چېگره‌لریدن حزب‌الله نی آرتگه چېکلنتیریش دیر.»
سۉنگی کونلرده حزب‌الله لبنان اعضالری گه عاید پیجرلر و بیسیم‌لر پارتلب و بو حزب نینگ لبنان جنوبی ده‌گی مرکزلری اسرائیل هوا کوچلری تامانیدن نشانگه آلینگچ، اسرائیل و حزب‌الله لبنان اۉرته‌سیده توقنشوولر کوچه‌یگن.
