جاری ییل سرطان آیی نینگ ۶- کونی، مرکزی بانک نینگ نیچه ساعت برقی کیسیلگنی حقیده گزارشلر ترقه‌تیلگن ایدی و اوشبو گزارش لر ترقه تیلگنیدن کیین مرکزی بانک بیر اعلامیه ترقه تیب، سرطان آیی نینگ ۲- کونی تخنیکی قیین چیلیک چیقنی باعث، امنیتی کمره لر ویدیو ثبت قیلمگنی نی بیلدیرگن ایدی.
انه شوحالده نماینده‌لر کینگشی خلق ارا رابطه‌لر کمیسیونی نینگ باشلیغی حسب الله کلیمزی، اداری فساد قرشی سیده کوره‌شیش کونیدن نشانلش مراسمده سوز یوریتیب ایتیشیچه، مرکزی بانک نینگ برق جریانی کیسیلیب امنیتی کمره لرده قیین چیلیک چیقن پیتده، مرکزی بانک دن آمریکا نینگ جمهور رئیسی تنلنگن جوبایدن کمپاینی اوچون آمریکا ایالات لریگه پول یوباریلگن.
عین حالده کلیمزی جناب‌لری، مملکت باشقاره‌لاوچیلیک اداره سیدن تنقید ایتیب، و اوشبو قضیه نی جدی صورتده تیکشیریشی نی سوره گن.
اوشبو خصوصده مرکزی بانک مسؤل‌لری نینگ فکرینی آلیشده تلاش قیلدیک، لیکن مذکور کیشی لر فکرینی آلیشده موفق بولمه دیک.
انه شوحالده افغانستان اداره لریده گی فساد گه قرشی کوره شیش شبکه سی نینگ اجرایی باشلیغی خان زمان امرخیل نینگ ایتیتیشیچه، گرچند اداری فساد قرشی سیده کوره شیش استراتیژی اولکه ده بولگن، لیکن اوشبو استراتیژی اولکه ده توغری شکلده عملگه آشیریلمه گن.
اداری فساد گه قرشی کوره شیش کونیدن نشانلش مراسمگه قتنشگن کیشی لر، حکومت اداری فساد قرشی سیده کوره شیشده کوچ سیز بولگنیدن تنقید ایتیب، اولکه دده گی اداری فساد قضیه لریده سیاسی یول باریلیشی نی بیلدیرگنلر. اوشبو کیشی لر گه کوره، حکومت اداری فساد قضیه لری خصوصیده عادلانه حرکت قیلمه یدی.
