ارزگان محلی مسئوللری نینگ ایتیش‌لریچه، امنیتی کوچلر مذکور ولایت نینگ دهراوود تومن مرکزیدن آرقه گه چیکیلگن.
ارزگان حاکمی سوزلاوچیسی احمدشاه ساحل نینگ ایتیشیچه، طالبان جنگریلری اوتگن کیچه (پنج‌شنبه ۲۳- عقرب) دهراوود تومن بازاری اوستیگه هجوم قیلگن و امنیتی کوچلر تینچ‌اهالی تلفات کورمه‌سلیگی اوچون آرقه گه چیکیلگن.
اونینگ ایتیشیچه، طالبان جنگریلری یالغیز دهراوود تومن بازاری نینگ نظارت گه آلگن و حاضرگه قدر تومن بناسی، پولیس قومندانلیگی و ملی خوفسیزلیک مدیریتی گه کیرمه‌گن.
اونگه کوره، کماندو کوچلری طالبان نینگ بو بازاردن چیقاریش اوچون عملیات یولگه قویماقده.
اونینگ معلوماتی اساسیده، اوتگن کیچه امنیتی کوچلرنینگ قرشی هجومی گه طالبان گروهی گه هم تلفات ییتیشگن. بیراق او بو توغریده رقم ترقتمه‌گن.
اونینگ کوپه‌یتیریشیچه، امنیتی کوچلرنینگ قرشی هجومی ده ۳ عسکر تن جراحتی کوتارگن.
طالبان گروهی حاضرگچه بو حقده فکر بیلدیرمه‌گن.
